अमरावतीमध्ये महायुतीच्या जागावाटपावरून चर्चा सुरू असतानाच भाजप नेत्या नवनीत राणा यांनी उद्धव ठाकरेंवर जोरदार टीका केली आहे. उद्धव ठाकरेंनी देवेंद्र फडणवीसांच्या पाठीत खंजीर खुपसला, असा आरोप राणा यांनी केला आहे. तसेच बारामतीत गौतम अदानी आणि पवार कुटुंबीयांच्या भेटीवरही त्यांनी भाष्य केले. अजित पवार भाजपसोबत जाणे हे शरद पवारांच्या आदेशानेच झाले', असा दावा त्यांनी केला आहे. अमरावती आणि पुण्यातील स्थानिक राजकारणावरही त्यांनी प्रतिक्रिया दिली. आगामी निवडणुकांच्या पार्श्वभूमीवर महायुतीमधील जागावाटप आणि नेत्यांच्या भूमिकांवर त्यांनी सविस्तर चर्चा केली.