बारामती नगरपरिषद निवडणुकीमध्ये अजित पवार गटाने अखेर नगराध्यक्ष पदासाठी आपला उमेदवार जाहीर केला आहे. सचिन सातव यांची नगराध्यक्ष पदासाठी अधिकृत उमेदवारी जाहीर करण्यात आली आहे.

अजित पवार गटाकडून नगराध्यक्ष पदाच्या उमेदवाराबाबत बऱ्याच दिवसांपासून सस्पेन्स ठेवण्यात आला होता. अनेक नावांची चर्चाही रंगली होती. मात्र, अखेर सर्व अंदाजांना पूर्णविराम देत सचिन सातव यांच्या नावाची अधिकृत घोषणा करण्यात आली आहे.

आगामी नगरपरिषदेच्या निवडणुकीसाठी बारामतीत अजित पवार यांच्या राष्ट्रवादी आणि भाजप आणि राष्ट्रवादी शरद पवार गट अशी तिहेरी लढत होणार आहे. तसेच महायुतीमधील राष्ट्रवादी आणि भाजप बारामतीमध्ये एकमेकांविरोधात नगपरिषदेत लढणार आहे.