राजकीय वर्तुळातून सर्वात मोठी बातमी समोर आली आहे. ऑपरेशन टायगरनंतर आता महाराष्ट्रात ऑपरेशन मांजर सुरू होणार आहे. इतर राजकीय पक्षातील आमदार- खासदारांना फोडण्याची जबाबदारी केंद्राकडून उपमु्ख्यमंत्री एकनाथ शिंदेंवर दिल्याची माहिती सूत्रांनी दिली आहे. एकनाथ शिंदेकडून ऑपरेशन मांजर राबवलं जाणार आहे. या ऑपरेशनसाठी रवी राणांच्या स्वाभिमानी पक्षाचा वापर केला जाणार असल्याची माहिती सूत्रांनी दिली आहे. या ऑपरेशन मांजरमुळे आता राजकीय वर्तुळात चर्चांना उधाण आले आहे.

आतापर्यंत राज्यातील जनतेने ऑपरेशन लोटस पाहिलं, ऑपरेशन टायगर पाहिलं. पण आता ऑपरेशन मांजर सुरू होत आहे. या ऑपरेशन मांजरमार्फत राज्यातील राजकीय पक्षांमधील आमदार आणि खासदारांना फोडले जाणार आहे. आता या ऑपरेशन मांजरमुळे महाराष्ट्रातील राजकारण पुन्हा ढवळून निघणार असल्याची चर्चा होऊ लागली आहे.