Aditya Thackeray statement on veg non veg food : आम्ही काय खायचे, हे सांगणारे आयुक्त कोण आहेत, त्यांना सस्पेंड केला पाहिजे, असा घणाघाती हल्लाबोल आमदार आदित्य ठाकरे यांनी केला आहे. मुंबईमध्ये प्रसारमाध्यमांशी बोलताना आदित्य ठाकरेंनी सत्ताधाऱ्यांवर टीकेची झोड उडावली.

नॉन व्हेज खाऊ शकतो, नाही खाऊ शकतो हे आम्हाला सांगायला आयुक्त कोण आहेत. देशामध्ये हेच चालले आहे. डोनाल्ड ट्रम्प वेळोवेळी टॅरिफ वाढवत आहेत. ब्रिज कोसळत आहे. रस्त्यांना खड्डे पडले आहेत. पलावासारखा रस्ता खराब आहे. रस्त्याची परिस्थिती बिकट असताना हे काय खायचं काय खायचे नाही हे सांगतात, त्यामुळे आयुक्तांना सस्पेंड केला पाहिजे, असे आदित्य ठाकरे म्हणाले.

ठाकरे एकत्र येणार का?

महाराष्ट्राच्या मनात आहे ते सगळीकडे दिसते. महाराष्ट्राच्या हितासाठी दोन भाऊ एकत्र येत असतील काही लोकांच्या पोटात दुखणे साहजिक आहे. आम्ही जो मार्ग निवडला आहे तो महाराष्ट्राच्या हिताचा आहे, त्यावर आम्ही चालत आहोत. निवडणूक ज्यांनी चोरली आहे ते काय पुढे सांगणार, असे आदित्य ठाकरे म्हणाले.