अभिजीत पाटील आणि रमेश कदम हे शरद पवार यांच्या भेटीला पोहोचले आहेत. पुण्यातील निसर्ग कार्यालयात शरद पवार आज चौथ्या दिवशी इच्छुक उमेदवारांच्या मुलाखती घेत आहेत. यावेळी अभिजीत पाटील आणि रमेश कदम यांनी पवार यांची भेट घेतली आहे. अभिजत पाटील हे विधानसभेसाठी सोलापूरच्या माढ्यामधून इच्छुक आहेत. तर रमेश कदम हे सोलापूरच्या मोहोळ मतदारसंघातून इच्छुक आहेत. त्याच अनुषंगाने हे दोन्ही इच्छुक उमेदवार शरद पवार यांची भेट घेण्यासाठी आलेले आहे.

पुण्याच्या निसर्ग मंगळ कार्यालयात आज सलग चौथ्या दिवशी राष्ट्रवादी कॉंग्रेस शरदचंद्र पवार पक्षाच्या इच्छुक उमेदवारांच्या मुलाखती सुरू आहेत. पश्चिम महाराष्ट्रातील उमेदवारांच्या आज मुलाखती होत आहे. यावेळी सोलापूरमधील मोहोळ आणि माढा या मतदारसंघासाठी इच्छुक असलेले अभिजीत पाटील आणि रमेश कदम हे उमेदवार शरद पवार यांच्या भेटीसाठी आलेले आहेत. रमेश कदम हे मोहोळचे माजी आमदार आहेत. तर माढा विधानसभेसाठी अभिजीत पाटील हे भाजपचे एकनिष्ट आणि देवेंद्र फडणवीस यांचे निकटवर्तीय मानले जातात. तेही या ठिकाणी शरद पवार यांच्या भेटीसाठी दाखल झाले आहेत. स्वत: शरद पवार इच्छुकांच्या मुलाखती घेत आहेत, त्यामुळे या दोघांच्या बाबतीत ते आता काय निर्णय घेतील हे बघणं महत्वाचं ठरणार आहे.