Uttarakhand Accident News: उत्तराखंडमध्ये भीषण अपघात झालाय.टेम्पो-ट्रॅव्हलर नदीत कोसळल्याने 14 जणांना जीव गमवावा लागला.बद्रीनाथ राष्ट्रीय महामार्गावर टेम्पो-ट्रॅव्हलर अलकनंदा नदीच्या पात्रात कोसळला. शनिवारी झालेल्या या अपघातामध्ये 14 जणांचा मृत्यू झाला तर 12 जण जखमी आहेत. रुद्रप्रयाग येथे झालेल्या या दुर्दैवी घटनेबाबत राष्ट्रपती द्रौपती मुर्मू, पंतप्रधान नरेंद्र मोदी, अमित शाह आणि उत्तराखंडचे मुख्यमंत्री पुष्कर सिंह धामी यांनी तीव्र शोक व्यक्त केला आहे. अपघातात गंभीर जखमी झालेल्या सात जणांना उत्तराखंडचे मुख्यमंत्री पुष्कर सिंह धामी यांनी दिलेल्या आदेशानुसार हवाई अॅम्ब्युलन्सद्वारे ऋषिकेश येथील एम्समध्ये उपचारासांसाठी दाखल करण्यात आले.