Sakshi Sunil Jadhav
कांद्याचं थालिपीठ करण्यासाठी कणिक, ज्वारीचं पीठ, बेसन, कांदा, टोमॅटो, हिरवी मिरची, कोथिंबीर, हळद, मीठ आणि तेल लागते.
पसरट भांड्यात कणिक, ज्वारीचं पीठ आणि बेसन एकत्र करून त्यात हळद व चवीनुसार मीठ मिसळा.
हिरव्या मिरच्या बारीक ठेचून किंवा मिक्सरमध्ये फिरवून पिठात घातल्यास थालिपीठाला छान झणझणीत चव येते.
बारीक चिरलेला टोमॅटो आणि थोडा जाडसर चिरलेला कांदा पिठात घातल्याने थालिपीठ अधिक चविष्ट आणि कुरकुरीत होते.
बारीक चिरलेली ताजी कोथिंबीर घातल्यामुळे थालिपीठाला खमंग सुगंध आणि ताजेपणा मिळतो.
थोडं थोडं पाणी घालत पीठ मळा आणि ते ना खूप घट्ट ना खूप पातळ राहील याची काळजी घ्या.
तव्याला थोडं तेल लावून पिठाचा गोळा ठेवावा आणि हाताला तेल लावून त्यावर थालिपीठ व्यवस्थित थापून घ्यावं.
थालिपीठ तव्यावर ठेवल्यानंतर झाकण ठेवून ते वाफेवर शिजवा आणि खालची बाजू हलकी कुरकुरीत होईपर्यंत भाजून घ्या.
तयार कांद्याचं खमंग आणि कुरकुरीत थालिपीठ दही किंवा लोणच्यासोबत सर्व्ह केल्यास त्याची चव आणखी खुलते.