RJ Mahvash Video : युजवेंद्र चहल आणि धनश्री वर्मा यांचा घटस्फोट झाला आहे. घटस्फोटाच्या दरम्यान युझी चहल आणि आरजे महावश यांच्या डेटिंगच्या चर्चा सुरु झाल्या होत्या. त्यांचे फोटो, व्हिडीओ सोशल मीडियावर पाहायला मिळतात. काल फक्त युजवेंद्र चहलला सपोर्ट करण्यासाठी महावश पंजाबचा सामना पाहायला गेली होती. यामुळे त्यांच्या डेटिंगच्या चर्चांवर खऱ्या असल्याचे म्हटले जात आहे.

आरजे महावशचा एक नवा व्हिडीओ समोर आला आहे. महावशला पूर्वीच्या रिलेशनशिपबद्दल प्रश्न विचारण्यात आला. प्रश्नाचे उत्तर देताना तिने रिलेशनशिप, सेक्स लाइफ यांवर भाष्य केले. आधीच्या बॉयफ्रेंडबद्दल बोलताना आरजे महावश म्हणाली, 'मी त्या व्यक्तीसोबत (एक्स बॉयफ्रेंड) ६ वर्ष रिलेशनशिपमध्ये होते. ३ वर्ष मी त्याला डेट केले आणि आमचा साखरपुडा होऊन ३ वर्ष झाली होती. पण मी त्याच्यासोबत कधीही शारीरिक संबंध ठेवले नाही.'

'लग्नानंतरच शारीरिक संबंध ठेवणे योग्य आहे असे मला वाटते. त्यामुळे मी फिजिकल झाले नाही. मी एवढंच म्हणू शकते की शारीरिक संबंध ही एक भावना नाहीये. ती एक जबाबदारी आहे, जी लग्नानंतर पूर्ण करावी लागते', असे वक्तव्य आरजे महावशने व्हिडीओमध्ये केल्याचे पाहायला मिळते.

पंजाब किंग्स विरुद्ध चेन्नई सुपर किंग्स हा सामना पाहण्यासाठी आरजे महावश गेली होती. सध्या युजवेंद्र चहल पंजाबकडून आयपीएलमध्ये सहभागी झाला आहे. त्याला कालच्या सामन्यात सपोर्ट करण्यासाठी ती गेली होती. तिने युजवेंद्र चहलसोबतचा फोटो देखील इन्स्टाग्रामवर पोस्ट केला. या पोस्टखाली चहलने कमेंट केली. यावरुन युझी आणि महावशच्या नात्यावर शिक्कामोर्तब झाल्याचे म्हटले जात आहे.