मुंबई : टीम इंडियाचा माजी फलंदाज युवराज सिंग आणि पत्नी हेजल कीच यांनी मुंबईमध्ये नवीन घर विकत घेतलंय. युवराजचा हा आलिशान फ्लॅट ज्या इमारतीत आहे, त्याच इमारतीत विराट कोहली आणि अनुष्का शर्मा यांचा देखील फ्लॅट आहे. युवराजच्या या नवीन घराची किंमत ६४ कोटी रुपये आहे. युवराजच्या या फ्लॅटमध्ये अनेक सुविधा असून तो १६ हजार स्क्वेअर फूटमध्ये आहे.

युवराज सिंग आणि हेजल कीच यांनी मुंबईत नवीन फ्लॅट खरेदी केलाय. विराट कोहली आणि अनुष्का शर्मा यांचा ज्या इमारतीत फ्लॅट आहे, त्याच इमारतीत युवराजने फ्लॅट घेतलाय. युवराजचा फ्लॅट २९व्या मजल्यावर असल्याची माहिती (Yuvraj Singh And Hazel Keech) मिळतेय. तर कोहली या इमारतीच्या ३५व्या मजल्यावर राहतो. युवराज आणि हेजल यांच्या नवीन फ्लॅटची लिव्हिंग रूम सुंदर पेंटिंगने सजलेली आहे. इंटिरियर डिझायनरने फ्लॅटच्या कोपऱ्यांवर उत्कृष्ट काम केले आहे. युवीच्या बाल्कनीतून मुंबई शहराचं अप्रतिम दृश्य दिसतं. युवराज आणि हेजलला खेळांची खूप आवड आहे. त्यांच्या फ्लॅटमध्ये एक वेगळा गेम झोन आहे.

युवराज आणि हेजलच्या नवीन फ्लॅटची बेडरूम देखील पाहण्यासारखी (Yuvraj Singh New House) आहे. बेडरूममध्ये चमकदार मार्बलचा वापर करण्यात आलाय. भिंतींना पांढऱ्या रंग दिलेला असून अप्रतिम रचना करण्यात आलीय. युवराजच्या या फ्लॅटची किंमत सुमारे ६४ कोटी रुपये आहे. ही किंमत विराट कोहलीच्या घराच्या जवळपास दुप्पट आहे. एकाच इमारतीत असून देखील कोहलीच्या (Virat Kohli) फ्लॅटची किंमत ३४ कोटी रुपये आहे.

केवळ मुंबईच नाही तर युवराज सिंगची इतर अनेक ठिकाणी आलिशान घरे आहेत. युवराजची गुरुग्राममध्ये देखील खास मालमत्ता आहे. ही डीएलएफ सिटीमध्ये आहे. इथेही युवराज विराट कोहलीचा शेजारी (Yuvraj Singh News) आहे. टीम इंडियाच्या स्टार फलंदाजाचे दिल्लीतील छतरपूरमध्ये फाइव्ह बीएचके पेंटहाऊस देखील आहे. याशिवाय युवराजचा पंचकुलामध्येही एक बंगला आहे. लग्नाच्या वेळी युवीच्या या घरात डोली समारंभ देखील आयोजित करण्यात आला होता.