आयसीसी वनडे वर्ल्ड कप 2023 स्पर्धेत आज भारतीय संघाचा सामना बलाढ्य न्यूझीलंड संघासोबत होणार आहे. हिमाचल प्रदेश क्रिकेट असोसिएशन धरमशाला मैदानावर दुपारी २ वाजता या सामन्याला सुरुवात होईल. या हायव्होल्टेज सामन्यात नेमका कोणता संघ बाजी मारणार याकडेचं क्रिडाप्रेमींचं लक्ष लागून आहे. अशातच सामन्याआधी क्रिडाप्रेमींचं टेन्शन वाढवणारी बातमी समोर आली आहे. (Latest Marathi News)
भारत-न्यूझीलंड (India vs New Zealand) सामन्याला विलंब होण्याची शक्यता आहे. कारण, हवामान खात्याने आज धरमशाला येथे पावसाचा अंदाज वर्तवला आहे. सकाळी १० ते दुपारी १ वाजेदरम्यान हलका ते मध्यम स्वरुपाचा पाऊस होऊ शकतो असं हवामान खात्याने सांगितलं आहे. जर हवामान खात्याचा अंदाज खरा ठरला. तर क्रिडाप्रेमींचा हिरमोड होऊ शकतो.
आतापर्यंत वर्ल्ड कप २०२३ मध्ये एकही सामना पावसामुळे रद्द झालेला नाही. मात्र, याच मैदानावर मंगळवारी १७ ऑक्टोबर रोजी पाऊस झाला होता. त्यामुळे नेदरलँड्स विरुद्ध दक्षिण आफ्रिका यांच्यातील सामना ४३ ओव्हरचा खेळवण्यात आला होता. आता भारत-न्यूझीलंड सामन्यात पाऊस होणार का? झाला तर किती होईल, हेच पाहणं महत्वाचं ठरणार आहे.
रोहित शर्मा (कर्णधार), हार्दिक पांड्या (उपकर्णधार ), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, रविचंद्रन अश्विन, इशान किशन आणि सूर्यकुमार यादव.
टॉम लॅथम (कर्णधार), केन विल्यमसन, ट्रेंट बोल्ट, मार्क चॅपमन, डेव्हॉन कॉनवे, लॉकी फर्ग्युसन, मॅट हेन्री, डॅरिल मिशेल, जिमी नीशम, ग्लेन फिलिप्स, रचिन रवींद्र, मिच सँटनर, ईश सोढी, टीम साउथी आणि विल यंग.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.