रोहित शर्माच्या नेतृत्वाखाली खेळणाऱ्या भारतीय संघाने १७ वर्षांनंतर टी-२० वर्ल्डकरच्या जेतेपदावर नाव कोरलं आहे. भारतीय खेळाडू बुधवारी दुपारी ३ वाजता बारबाडोसहून भारतात येण्यासाठी रवाना झाली. एअर इंडियाचं स्पेशल चार्टर्ड विमान भारतीय खेळाडू, बीसीसीआय स्टाफ, सपोर्ट स्टाफ आणि क्रीडा पत्रकारांना घेऊन गुरुवारी सकाळी ६ वाजता दिल्लीत दाखल झालं आहे. दरम्यान भारतात आल्यानंतर भारतीय संघाची विजयी रॅली काढली जाणार आहे. दरम्यान हा इव्हेंट लाईव्ह कुठे पाहता येणार? जाणून घ्या.

मुंबईकरांना २००७ टी-२० वर्ल्डकप विजयी रॅलीपेक्षाही भव्य रॅली पाहायला मिळणार आहे. हा सोहळा आणखी शानदार करण्यासाठी मुबंईतील नरीमन पॉईंटपासून ते मरिन ड्राईव्हपर्यंत भव्य ओपन बस रॅली काढण्यात येणार आहे. यापूर्वी २००७ मध्ये झालेल्या विजयी रॅलीमध्येही लाखो क्रिकेट फॅन्सने हजेरी लावली होती. यावेळीही असंच काहीसं चित्र पाहायला मिळू शकतं असा अंदाज वर्तवला जात आहे.

भारतीय संघ दिल्लीत किती वाजता दाखल झाला?

भारतीय संघ गुरुवारी सकाळी ६ वाजता दिल्लीतील राजीव गांधी आंतरराष्ट्रीय विमानतळावर दाखल झाला आहे.

नरेंद्र मोदींची भेट केव्हा आणि किती वाजता होणार?

दिल्लीत दाखल झाल्यानंतर भारतीय खेळाडू पंतप्रधान नरेंद्र मोदींची भेट घेणार आहेत. यासह नरेंद्र मोदी खेळाडूंसह नाश्ता करणार आहेत.

कुठे होणार विजयी परेड?

भारतीय संघ मोदींची भेट घेतल्यानंतर दिल्लीहून मुंबईला रवाना होणार आहे. मुंबईतील नरीमन पॉईंटपासून ते मरीन ड्राईव्हपर्यंत ही विजयी परेड काढली जाणार आहे.

किती वाजता सुरु होणार विजयी परेड?

भारतीय संघाची विजयी परेड संध्याकाळी ५ वाजता सुरु होणार आहे.

कुठे पाहता येईल लाईव्ह?

भारतीय संघाची विजयी परेड हॉटस्टारवर लाईव्ह पाहता येणार आहे. यासह युट्यूबवरही लाईव्ह पाहता येणार आहे.

टीव्हीवर कुठे पाहता येणार लाईव्ह?

भारतीय संघाच्या विजयी परेडचं लाईव्ह टेलिकास्ट हॉटस्टार आणि स्पोर्ट्स १८ वर लाईव्ह पाहता येणार आहे.