चिन्नास्वामीच्या मैदानावर झालेल्या सामन्यात विराट कोहलीची बॅट चांगलीच तळपली. स्पर्धेतील दुसऱ्या सामन्यात अर्धशतक झळकावल्यानंतर कोलकाता नाईट रायडर्सविरुद्ध झालेल्या सामन्यातही त्याने वादळी खेळी करत अर्धशतक झळकावलं आहे. या डावात त्याने कोलकाताच्या गोलंदाजांचा चांगलाच समाचार घेत ८३ धावांची खेळी केली. या खेळीसह विराटने मोठा रेकॉर्ड मोडून काढला आहे.
कोहलीकडून चौकार- षटकारांचा पाऊस..
या सामन्यात प्रथम फलंदाजी करण्यासाठी आलेल्या रॉयल चॅलेंजर्स बंगळुरु संघाकडून विराट कोहलीने ८३ धावांची तुफानी खेळी केली. शेवटपर्यंत फलंदाजी केलेल्या विराटने आपल्या खेळीदरम्यान ४ चौकार आणि ४ षटकार मारले. या खेळीसह त्याने पु्न्हा एकदा ऑरेंज कॅपवर कब्जा केला. या खेळीदरम्यान त्याने एक मोठा रेकॉर्ड मोडून काढला आहे. (Cricket news in marathi)
गेलचा रेकॉर्ड मोडला...
विराटने या खेळीदरम्यान चौफेर फटकेबाजी करत ४ षटकार मारले. यासह तो आयपीएल स्पर्धेत फलंदाजी करताना रॉयल चॅलेंजर्स बंगळुरु संघासाठी सर्वाधिक षटकार मारणारा फलंदाज ठरला आहे.
याआधी हा रेकॉर्ड ख्रिस गेलच्या नावे होता. ख्रिस गेलने रॉयल चॅलेंजर्स बंगळुरु संघाकडून खेळताना २३९ षटकार मारले होते. तर दुसऱ्या स्थानी असलेल्या एबी डिव्हिलियर्सच्या नावे २३८ षटकार मारण्याची नोंद होती. कोलकाता नाईट रायडर्स संघाविरुद्धच्या सामन्यात ४ षटकारांसह विराटने २४१ षटकार पूर्ण केले आहेत.
तसेच या सामन्याबद्दल बोलायचं झालं तर, रॉयल चॅलेंजर्स बंगळुरु संघाने २० षटकअखेर १८३ धावा केल्या होत्या. या डावात विराट कोहलीने शानदार फलंदाजी केली. त्याने ८३ धावा चोपल्या. तर शेवटी फलंदाजीला आलेल्या दिनेश कार्तिकने ८ चेंडूत २० धावांची खेळी केली. या धावांचा पाठलाग करताना कोलकाता नाईट रायडर्स संघाने ७ गडी राखून विजय मिळवला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.