Viral Catch Video:

वर्ल्डकप २०२३ स्पर्धा सुरू असताना टेनिस क्रिकेट स्पर्धेतील एक व्हिडिओ सोशल मीडियावर धुमाकूळ घालतोय. या व्हिडिओमध्ये यष्टिरक्षक झेल टिपताना दिसतोय. मात्र त्याची झेल टिपण्याची स्टाईल पाहून तुम्हालाही हसू आवरणार नाही. त्यामुळे कुठल्याही यष्टिरक्षकाने टिपलेला आतापर्यंतचा सर्वोत्तम झेल म्हटला जात आहे.

या व्हिडिओमध्ये तुम्ही पाहू शकता की, डाव्या हाताचा गोलंदाज ऑफ कटर बॉल टाकतो. हा बॉल टप्पा पडताच बाहेरच्या दिशेने जातो. या बॉलवर फलंदाज हलक्या हाताने फटका खेळण्याचा प्रयत्न करतो. मात्र त्याचा हा प्रयत्न फसतो. कारण बॉल बॅटची कडा घेत यष्टिरक्षकाकडे जातो. बॉल यष्टिरक्षकाच्या ग्लोव्हला लागतो त्यावेळी असं वाटतं की हा झेल सुटेल. मात्र असं काहीच होत नाही. (Latest sports updates)

बॉल त्याच्या पाठीवर जाऊन थांबतो. त्यानंतर यष्टिरक्षक आपल्या दोन्ही हातांच्या साहाय्याने पाठीवरचा बॉल थांबवतो. त्यावेळी संघात इतर सहकारी एकच जल्लोष करू लागतात.

हा व्हिडिओ सोशल मीडियावर अपलोड होताच तुफान व्हायरल होऊ लागला आहे. तसेच नेटकरीही भन्नाट प्रतिक्रिया देताना दिसून येत आहेत. हा व्हिडिओ अपलोड करणाऱ्या युजरने लिहिलंय की, हा आतापर्यंतचा कुठल्याही यष्टीरक्षकाने टिपलेला सर्वोत्तम झेल आहे.'