भारतीय क्रिकेट संघाचा सलामीवीर शुभमन गिलच्या (Shubman Gill) दुखापतीबद्दल माजी राष्ट्रीय निवडकर्ता सबा करीम (Saba Karim) यांनी केलेली टीका भारतीय क्रिकेट नियामक मंडळाला पटलेली नाही. गिल दुखापतीमुळे आठ आठवडे संघाच्या बाहेर राहणार आहे. इंग्लंडविरुद्धच्या पाच कसोटी सामन्यांच्या मालिकेच्या पूर्वार्धात तो संघात भाग घेण्याची शक्यता नाही.

माजी भारतीय यष्टीरक्षक आणि निवडकर्ता सबा करीम यांनी शुभमन आणि संघ व्यवस्थापनावर आरोप केला होता - ते म्हणाले होते “शुभमन गिल आपली दुखापत लपवून ठेवत आहे त्याचे मला आश्चर्य वाटत आहे. तो बर्‍याच दिवसांपासून भारतीय संघासह प्रवास करीत आहे. फिजिओ आणि इतर वैद्यकीय कर्मचारी खेळाडूंच्या तंदुरुस्तीवर लक्ष ठेवतात. प्रथम हे आश्चर्यकारक आहे की हे कसे घडले आणि ते पूर्वी समोर का आले नाही असा प्रश्न सबा करीम यांनी विचारला आहे''. आता बीसीसीआयच्या (BCCI) एका अधिका्याने सबा करीम यांना उत्तर दिले आहे. ते म्हणाले, ''असे वक्तव्य देत त्यांनी गांगुलीच्या नेतृत्वावर प्रश्नचिन्ह उभे केले आहे. खेळाडूंची तंदुरुस्ती आणि खेळाडूंच्या निवडीसंदर्भात नियमांचे पालन करण्याबद्दल तो खूप काटेकोर आहे''. हा गंभीर आरोप आहे.

सबा शुभमनच्या प्रामाणिकपणावर आणि गांगुलीच्या नेतृत्वावर आक्षेप घेत आहेत. मला वैयक्तिकरित्या असे वाटते की करिम लक्ष वेधण्यासाठी असे काहीतरी करत आहे. कारण तो अलीकडेपर्यंत भारतीय क्रिकेट सेटअपचा एक भाग होता, पण आता नाही. त्याला स्पष्टपणे ठाऊक आहे की एखादा खेळाडू फिटनेस टेस्टमधून जातो आणि आजच्या जगात कोणताही खेळाडू आपली दुखापत लपवू शकत नाही. तो एखादा खेळाडू किंवा निवडक असता तर हे घडले असते. त्यांचे विधान अत्यंत दुर्दैवी आहे". ते पुढे म्हणाले- “दौऱ्यापूर्वी शुभमनला कोणतीही दुखापत झाली नाही. तो दौर्‍यावर जखमी झाला आहे. दुर्दैवाची बाब म्हणजे कसोटी सामने खेळणारा माजी खेळाडू बीसीसीआयचा जीएम होता. असे विचित्र विधान तो कसे करु शकतो".

Edited By: Pravin Dhamale