Team India Playing 11 For 1st IND vs WI Test: भारत विरुद्ध वेस्ट इंडिज या दोन्ही संघांमध्ये २ कसोटी सामन्यांची मालिका रंगणार आहे. या मालिकेतील पहिला कसोटी सामना १२ जुलैपासून डॉमिनिकाच्या मैदानावर रंगणार आहे. हा सामना भारतीय वेळेनुसार संध्याकाळी ७:३० वाजता सुरू होणार आहे.

या मालिकेसाठी ऋतुराज गायकवाड आणि यशस्वी जयस्वाल या युवा खेळाडूंना संधी दिली गेली आहे.

तर अनुभवी फलंदाज चेतेश्वर पुजाराला बाहेरचा रस्ता दाखवला गेला आहे. पहिल्या कसोटी सामन्यासाठी रोहित शर्मासमोर प्लेइंग ११ निवडण्याचं मोठं आव्हान असणार आहे. चला तर पाहूया कशी असू शकते पहिल्या कसोटी सामन्यासाठी भारतीय संघाची प्लेइंग ११.

सलामी जोडी..

वेस्ट इंडिजविरुद्ध होणाऱ्या पहिल्या कसोटी सामन्यात कर्णधार रोहित शर्मा आणि शुभमन गिल यांची जोडी मैदानात येऊ शकते. शुभमन गिल जोरदार फॉर्ममध्ये आहे. तर रोहित शर्मा फॉर्ममध्ये परतण्याच्या प्रयत्नात आहे. या दोन्ही फलंदाजांवर आक्रमक सुरुवात करून देण्याची जबाबदारी असणार आहे.

मध्यक्रम..

या सामन्यासाठी तिसऱ्या क्रमांकावर युवा भारतीय फलंदाज यशस्वी जयस्वालला संधी दिली जाऊ शकते. वर्ल्ड टेस्ट चॅम्पियनशिप स्पर्धेतील अंतिम सामन्यात केलेल्या फ्लॉप कामगिरीनंतर चेतेश्वर पुजाराला बाहेरचा रस्ता दाखवण्यात आला आहे. तर चौथ्या क्रमांकावर विराट कोहली आणि पाचव्या क्रमांकावर उपकर्णधार अजिंक्य रहाणे फलंदाजीला येऊ शकतो. (Latest sports updates)

यष्टिरक्षक :

वेस्ट इंडिजविरुद्ध होणाऱ्या पहिल्या कसोटी सामन्यासाठी ६ व्या क्रमांकावर फलंदाजी करण्यासाठी ईशान किशनला संधी दिली जाऊ शकते. कारण यष्टिरक्षक फलंदाज म्हणून केएस भरतला हवी तशी कामगिरी करता आली नाही. तो देखील वर्ल्ड टेस्ट चॅम्पियनशिप स्पर्धेच्या अंतिम सामन्यात फ्लॉप ठरला आहे. त्यामुळे आक्रमक फलंदाज म्हणून ईशान किशन परफेक्ट चॉईस आहे.

गोलंदाज :

या सामन्यासाठी फिरकी गोलंदाज म्हणून आर अश्विन आणि रविंद्र जडेजाला संधी दिली जाऊ शकते. तर वेगवान गोलंदाज म्हणून शार्दुल ठाकूर, मोहम्मद सिराज आणि जयदेव उनाडकटला संधी दिली जाऊ शकते. मुकेश कुमार आणि नवदीप सैनीला बाहेर बसावं लागू शकतं.

अशी असू शकते संभावित प्लेइंग ११:

रोहित शर्मा (कर्णधार), शुभमन गिल, यशस्वी जयसवाल, विराट कोहली, अजिंक्य रहाणे (उपकर्णधार), ईशान किशन (यष्टीरक्षक), रविंद्र जड़ेजा, आरअश्विन, शार्दुल ठाकुर, मोहम्मद सिराज आणि जयदेव उनाडकट.