भारत विरुद्ध दक्षिण आफ्रिका टी२० सीरीजसाठी शेवटच्या २ सामन्यासाठी अक्षर पटेल संघाबाहेर गेला आहे. सीरीजच्या तिसऱ्या सामन्यात अक्षर पटेल खेळला नव्हता. आता अक्षर पटेल संघाबाहेर गेल्याची अधिकृत माहिती बीसीसीआयने दिली.

बीसीसीआयने अधिकृत माहिती दिली की, दक्षिण आफ्रिकेविरोधात होणाऱ्या चौथ्या आणि पाचव्या टी२० सामन्यातून अक्षर पटेल बाहेर गेला आहे. अक्षर पटेल आजारी पडल्याने संघाबाहेर गेला आहे. चौथ्या आणि पाचव्या टी२० सामन्यासाठी अक्षर पटेलच्या ऐवजी आता संघात शहबाज अहमदला संधी मिळाली आहे.

भारत आणि दक्षिण आफ्रिकेचा चौथा टी२० सामना १७ डिसेंबर रोजी लखनौ येथे खेळवला जाणार आहे. तर सीरीजचा पाचवा आणि अंतिम सामना हा १९ डिसेंबर रोजी अहमदाबादच्या नरेंद्र मोदी स्टेडियमवर खेळवला जाणार आहे.

तत्पूर्वी, जसप्रीत बुमराह खासगी कारणामुळे घरी गेला होता. त्यामुळे जसप्रीत बुमराह देखील तिसरा सामना खेळू शकला नव्हता. मात्र, पुढील दोन सामन्यात जसप्रीत बुमराह खेळताना दिसणार आहे.

भारतीय संघ

सूर्यकुमार यादव (कर्णधार), शुभमन गिल (उपकर्णधार), अभिषेक शर्मा, तिलक वर्मा, हार्दिक पंड्या, शिवम दुबे, जितेश शर्मा (विकेटकिपर), संजू सॅमसन (विकेटकिपर), वरुण चक्रवर्ती, अर्शदीप सिंग, कुलदीप यादव, जसप्रीत बुमराह, हर्षित राणा, वॉशिंग्टन सुंदर, शाहबाज अहमद