India vs West Indies live score : 'करो या मरो'च्या सामन्यात भारताचा कर्णधार सुर्यकुमार यादव याने नाणेफेक जिंकून प्रथम गोलंदाजीचा निर्णय घेतला. उपांत्य फेरीत पोहचण्यासाठी भारत आणि वेस्ट इंडिज दोन्ही संघाला विजय अनिवार्य आहे. अटीतटीच्या सामन्यात सुर्यकुमार यादवने नाणेफेक जिंकून विडिंजला फलंदाजीसाठी आमंत्रित केले आहे. वेस्ट इंडिजच्या संघात एक बदल करण्यात आला आहे. भारतीय संघाने प्लेईंग ११ मध्ये कोणताही बदल केलेला नाही.

पाहूयात दोन्ही संघाची प्लेईंग ११ कशी आहे?

भारतीय संघ -

अभिषेक शर्मा, संजू सॅमसन, ईशान किशन, सूर्यकुमार यादव, हार्दिक पांड्या, तिलक वर्मा, शिवम दुबे, अक्षर पटेल, वरूण चक्रवर्ती, जसप्रीत बुमराह, अर्शदीप सिंग

India XI: 1 Abhishek Sharma, 2 Sanju Samson (wk), 3 Ishan Kishan, 4 Suryakumar Yadav (capt), 5 Tilak Varma, 6 Hardik Pandya, 7 Shivam Dube, 8 Axar Patel, 9 Arshdeep Singh, 10 Varun Chakravarthy, 11 Jasprit Bumrah

वेस्ट इंडिज -

रोस्टन चेस, शाई होप (कर्णधार), शिमरॉन हेटमायर, रोव्हमन पॉवेल, शेरफेन रदरफोर्ड, जेसन होल्डर, रोमारिओ शेफर्ड, मॅथ्यू फोर्ड, गुडाकेश मोटी, अकिल होसेन आणि शमार जोसेफ

West Indies XI: 1 Roston Chase, 2 Shai Hope (capt & wk), 3 Shimron Hetmyer, 4 Rovman Powell, 5 Sherfane Rutherford, 6 Jason Holder, 7 Romario Shepherd, 8 Matthew Forde, 9 Gudakesh Motie, 10 Akeal Hosein, 11 Shamar Joseph.

सूर्यकुमार यादव काय म्हणाला ?

पिच चांगले आहे. या मैदानावर धावांचा पाठलाग होईल असे दिसतेय. दुसऱ्या डावात दव पडण्याची शक्यता आहे, त्यामुळे फलंदाजी अधिक चांगली होईळ. मैदानातील वातावरण आधीच उत्साही आहे. मोठ्या प्रमाणात गर्दी जमली आहे आणि आशा आहे की आम्ही प्रेक्षकांना चांगला खेळ दाखवण्याचा प्रयत्न करू. थोडा तणाव आणि धाकधूक आहेच, पण दबाव नसेल तर मजा येत नाही, असे सूर्या म्हणाला.

वेस्ट इंडिजचा कर्णधार काय म्हणाला ?

दुसरीकडे वेस्ट इंडिजचा कर्णधार शाई होपने यालाही नाणेफेक जिंकून प्रथम गोलंदाजी करायची होती. नाणेफेकीनंतर होप म्हणाला की, वेस्ट इंडिजने टॉस जिंकला असता तर प्रथम गोलंदाजीच निवडली असती. आम्हाला सातत्यपूर्ण खेळ करावा लागेल आणि जेव्हा गरज असेल तेव्हा सर्वोत्तम कामगिरी करावी लागेल. आजचा सामना आमच्यासाठी 'करा किंवा मरा' (Do or die) असा आहे.

पिच रिपोर्ट :

कोलकाताचे इडन गार्डन मैदानात धावांचा पाऊस पडतो. आऊटफील्ड सर्वात वेगवान मैदानांपैकी एक आहे.  त्यामुळे हा सामना हायस्कोरिंग होण्याची शक्यता आहे. मॅथ्यू हेडन यांनी आजच्या खेळपट्टीबाबत टीव्हीवर माहिती दिली. ते म्हणाले की, या खेळपट्टीवर मोठ्या प्रमाणात गवत आहे आणि खेळपट्टीची एक बाजू दुसऱ्या बाजूच्या तुलनेत जास्त कोरडी आहे. थोडक्यात सांगायचे तर हे मैदान षटकारांची आतषबाजी होईल.