मुंबई इंडियन्सचा खेळाडू सूर्यकुमार यादव सोशल मीडियावर चांगलाच एक्टिव्ह असतो. यावेळी सूर्या आयपीएलमध्ये केवळ आपल्याच नाही तर इतर टीमच्या खेळाडूंवरही त्याचं लक्ष असतं. अशातच चेन्नई सुपर किंग्जचा खेळाडू शिवम दुबेची सूर्याने फिरकी घेतली आहे. सूर्याने त्याच्या सोशल मीडियावर एक फोटो पोस्ट करत धोनी आणि दुबेची मजा घेतलीये
सूर्यकुमार यादवने त्याच्या इन्टाग्रामवर स्टोरीवर शिवम आणि महेंद्र सिंह धोनीचा एक फोटो पोस्ट केला आहे. या फोटोच्या कॅप्शनमध्ये संवाद लिहिलाय. यामध्ये, माही भाई- स्ट्राईक दिल्यानंतर तु करून घेशील का? दुबे- ट्राय करेन. माही भाई- ट्राय करायचं असेल तर मी करेन, तू फक्त रन आऊट करू नकोस.
दरम्यान सूर्याची ही स्टोरी चाहत्यांना फार आवडली आहे. शिवम दुबे आणि सूर्यकुमार यादव एकमेकांचे चांगले मित्र आहे. दोघंही स्थानिक क्रिकेट मुंबईच्या टीमकडून खेळतात. टीम इंडियामध्ये असताना देखील दोघंही खूप-मजा मस्ती करतात.
लखनऊ सुपरजाएंट्सविरूद्धच्या सामन्यात शिवम दुबेने ४३ रन्सची खेळी केली. मात्र त्याची ही खेळी काहीशी संथ होती. दुबेने ३७ चेंडूंमध्ये ही ४३ रन्सची खेळी केली. यामध्ये ३ फोर आणि २ सिक्सेसचा समावेश होता. शिवम दुबेसह कर्णधार महेंद्रसिंग धोनीने ११ चेंडूंमध्ये २६ रन्स केले.
लखनऊ सुपर जाएंट्स विरूद्ध चेन्नई सुपर किंग्ज विरूद्धच्या सामन्यात लखनऊने पहिल्यांदा फलंदाजी करताना २० ओव्हर्समध्ये ७ विकेट्स गमावून १६६ रन्सचा स्कोर केला. यावेळी लखनऊकडून कर्णधार ऋषभ पंतने ४९ बॉल्समध्ये ६३ रन्सची खेळी केली. तर सीएसकने ५ विकेट्स गमावून १६८ रन्स करत सामना शिखात घातला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.