आगामी टी-२० वर्ल्डकप २०२४ स्पर्धेसाठी दक्षिण आफ्रिका संघाची घोषणा करण्यात आली आहे. या स्पर्धेसाठी दक्षिण आफ्रिका संघाची धुरा एडन मार्करमच्या हाती सोपवण्यात आली आहे. एडन मार्करम सध्या आयपीएल २०२४ स्पर्धेत सनरायझर्स हैदराबाद संघाचं प्रतिनिधित्व करतोय. टी-२० वर्ल्डकप २०२४ स्पर्धेसाठी १५ सदस्यीय संघासह २ राखीव खेळाडूंची देखील नावं समोर आली आहेत.

दक्षिण आफ्रिका क्रिकेट बोर्डाने देखील आयपीएल २०२४ स्पर्धेतील कामगिरीच्या आधारे संघाची निवड केल्याचं चित्र दिसून येत आहे. मुंबई इंडियन्स संघाकडून शानदार कामगिरी करणाऱ्या गेराल्ड कोएत्जीला या संघात स्थान देण्यात आलं आहे. गेराल्ज कोएत्जीला आयसीसी वनडे वर्ल्डकप २०२३ स्पर्धेसाठी देखील त्याचा दक्षिण आफ्रिका संघात समावेश करण्यात आला होता. त्यावेळीही त्याने शानदार कामगिरी केली होती.

या संघात फलंदाज म्हणून क्विंटन डीकॉक, ओटनील बार्टमन, ब्योर्न फोटूइ, डेव्हिड मिलर आणि रिझा हेंड्रिक्ससारख्या विस्फोटक फलंदाजांना संधी दिली गेली आहे. तर एनरिक नॉर्खिया, कागिसो रबाडा, रायन रिकेल्टन, तबरेझ शम्सी आणि ट्रिस्टन स्टब्ज या गोलंदाजांना संघात दिलं गेलं आहे.

आगामी टी-२० वर्ल्डकप २०२४ स्पर्धेसाठी असा आहे दक्षिण आफ्रिकेचा संघ :

एडन मार्करम (कर्णधार), ओटनील बार्टमन, जेराल्ड कोएत्झी, क्विंटन डी कॉक, ब्योर्न फोर्टुइन, रीझा हेंड्रिक्स, मार्को जॅनसेन, हेनरिक क्लासेन, ॲनरिक नॉर्किया, कागिसो रबाडा, रायन रिकेल्टन, तबरेझ शम्सी, ट्रिस्टन स्टब्ज, केशव महाराज, डेव्हिड मिलर.

राखीव खेळाडू – नांद्रे बर्गर आणि लुंगी एन्गिडी