CSK vs KKR, Shreyas Iyer Statement:

श्रेयस अय्यरच्या नेतृत्वाखाली खेळणाऱ्या कोलकाता नाईट रायडर्स संघाने आयपीएल २०२४ स्पर्धेला बुलेट ट्रेनसारखीच सुरुवात केली. मात्र चेन्नईला या बुलेट ट्रेनला ब्रेक लावला आहे. सोमवारी झालेल्या सामन्यात चेन्नई सुपर किंग्ज आणि कोलकाता नाईट रायडर्स हे दोन्ही संघ आमने सामने आले होते.

या सामन्यात कोलकाता नाईट रायडर्सचा ७ गडी राखून धुव्वा उडवत चेन्नई सुपर किंग्ज संघाने शानदार विजय मिळवला. सलग ३ सामने जिंकणाऱ्या कोलकाता नाईट रायडर्स संघाचा प्लान नेमका कुठे फसला? या सामन्यात नेमक्या काय चुका झाल्या? याबाबत श्रेयस अय्यरने भाष्य केलं आहे.

हा सामना झाल्यानंतर कर्णधार श्रेयस अय्यर म्हणाला की, ' आम्हाला पावरप्लेमध्ये चांगली सुरुवात मिळाली होती. मात्र त्यानंतर आम्ही विकेट्स गमावल्या. इथे धावा करणं सोपं नव्हतं. पावरप्ले झाल्यानंतर आम्हाला परिस्थितीनुसार फलंदाजी करता आली नाही.चेन्नईच्या गोलंदाजांची फुल प्लानिंगने गोलंदाजी केली.' (Cricket news in marathi)

तसेच तो पुढे म्हणाला की, ' आम्ही डाव सावरण्याच्या प्रयत्न केला. मात्र आम्हाला प्लानिंगनुसार खेळ करता आला नाही. पावरप्लेनंतर खेळपट्टीने आपलं खरं रूप दाखवलं. आम्हाला वाटलं होतं की, आम्ही १६०-१७० धावा करू आणि आमची त्याच दिशेने वाटचाल सुरू होती. एक चांगली गोष्ट आहे की, हे स्पर्धेेच्या सुरुवातीच्या टप्प्यात झालं आहे. आम्हाला परिस्थितीचं आकलन करावं लागेल.'

या सामन्याबद्दल बोलायचं झालं, तर चेन्नई सुपर किंग्ज संघाने टॉस जिंकला आणि प्रथम गोलंदाजी करण्याचा निर्णय घेतला. कोलकाता नाईट रायडर्स संघाला प्रथम फलंदाजी करताना २० षटक अखेर ९ गडी बाद १३७ धावा करता आल्या. हे आव्हान चेन्नई सुपर किंग्ज संघाने १७.४ षटकात पूर्ण केलं