shaheen afridi 4 wickets twitter
Sports

Shaheen Afridi 4 Wickets Video: W,W,W,W, वर्ल्ड कपपूर्वी आफ्रिदीचा कहर! पहिल्याच ओव्हरमध्ये घेतल्या 4 Wickets; पाहा VIDEO

Shaheen Afridi 4 Wickets In 4 Balls : नॉटिंगहॅमशायर संघाचे प्रतिनिधित्व करणाऱ्या शाहीन आफ्रिदीने पहिल्याच षटकात ४ विकेट्स घेतल्या आहेत.

Ankush Dhavre

T-20 Blast 2023: इंग्लंडमध्ये सध्या टी -२० ब्लास्ट स्पर्धेचा थरार सुरू आहे. या स्पर्धेत पाकिस्तानचा वेगवान गोलंदाज शाहीन आफ्रिदीने कहर केल्याचे पाहायला मिळाले आहे. या स्पर्धेत नॉटिंगहॅमशायर संघाचे प्रतिनिधित्व करणाऱ्या शाहीन आफ्रिदीने पहिल्याच षटकात ४ विकेट्स घेतल्या आहेत.

यासह मोठ्या विक्रमाला गवसणी घातली आहे. नॉटिंगहॅमशायर आणि वार्विकशायर यांच्यात झालेल्या लढतीत बाजी जरी वर्विकशायरने मारली असली तरी शाहीन आफ्रिदीने आपल्या गोलंदाजीच्या जोरावर सर्वांची मनं जिंकली आहेत.

टी -२० ब्लास्टच्या अधिकृत सोशल मीडिया अकाऊंटवर हा व्हिडीओ शेअर करण्यात आला आहे. नॉटिंगहॅमशायर संघाकडून पहिले षटक टाकण्यासाठी आलेल्या शाहीनने पहिला चेंडू वाईड टाकला, ज्यावर ४ धावा मिळाल्या.

पुढच्याच चेंडूवर त्याने ॲलेक्स डेव्हिडला अचूक यॉर्कर चेंडू टाकला. हा चेंडू कळायच्या आत त्याच्या पॅडला जाऊन धडकला आणि डेव्हिड पायचीत होऊन माघारी परतला.

पुढच्याच चेंडूवर शाहीनने बेंजामिनने क्लीन बोल्ड करत माघारी धाडले. त्यानंतर पुढच्या २ चेंडूंवर प्रत्येकी १-१ धाव आली. (Shaheen Afridi 4 Wickets)

मात्र पाचव्याच चेंडूवर शाहीनने डॅन मोसलेला बाद करत पॅव्हेलियनची वाट दाखवली. त्यानंतर पुढील चेंडूवर त्याने एड बर्नार्डला आपला शिकार बनवलं आणि एकाच षटकात ४ गडी बाद करण्याचा पराक्रम केला. (Latest sports updates)

शाहीन आफ्रिदीच्या या सामन्यातील कामगिरीबद्दल बोलायचं झालं तर, त्याने ४ षटके गोलंदाजी केली. यादरम्यान त्याने २९ धावा खर्च करत ४ गडी बाद केले. या दरम्यान त्याने एक निर्धाव षटक देखील टाकले. यासह त्याने टी-२० क्रिकेटच्या एका इनिंगमध्ये पहिले षटक टाकताना सर्वाधिक गडी बाद करण्याचा विक्रम केला आहे.

शाहीन आफ्रिदीचा संघ पराभूत..

या सामन्यात वर्विकशायर संघाने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करत असलेल्या नॉटिंगहॅमशायर संघाने २० षटक अखेर १६८ धावा केल्या होत्या. या धावांचा पाठलाग करताना वर्विकशायर संघाने १९.१ षटकात हे आव्हान पूर्ण करत, सामना जिंकला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

कुठे घोड्यांची शर्यत, कुठे विदेशी मासे; पुण्यातील पेटोपियात नेमकं काय सुरू आहे? VIDEO

प्रसिद्ध मॉडेल बलात्कार प्रकरणात मुंबईतील उद्योजकाला दिलासा; न्यायालयाकडून अटकपूर्व जामीन मंजूर

Sleep Health : पूर्ण झोप घेऊनही सकाळी थकवा जाणवतोय? ही आहेत 6 धक्कादायक कारणे!

मराठा आरक्षणाच्या लढ्यात नवा ट्विस्ट! विखे पाटलांसह मनोज जरांगेंनाही घेरलं; थेट राजीनामा...

Maharashtra News Live Update: पुणे शहरातील अमेझॉन , बिग बास्केट, डार्क स्टोरवर एफडीएची धडक कारवाई

SCROLL FOR NEXT