Ruturaj Gaikwad Statement:

चेन्नई सुपर किंग्ज संघाच्या विजयाची गाडी अखेर रुळावर आली आहे. गेल्या दोन्ही सामन्यांमध्ये पराभूत झाल्यानंतर अखेर चेन्नई सुपर किंग्ज संघाने विजय मिळवला आहे. कोलकाता नाईट रायडर्स संघाविरुद्ध झालेल्या सामन्यात चेन्नई सुपर किंग्ज संघाने ७ गडी राखून शानदार विजय मिळवला. या विजयात कर्णधार ऋतुराज गायकवाडने नाबाद ६७ धावांचं योगदान दिलं. दरम्यान हा सामना झाल्यानंतर एमएस धोनीबाबत मोठं वक्तव्य केलं आहे.

हा सामना झाल्यानंतर ऋतुराज गायकवाड म्हणाला की, ' मला जुन्या गोष्टी आठवल्या. मी आयपीएल स्पर्धेत जेव्हा पहिल्यांदा अर्धशतक झळकावलं होतं. त्यावेळी देखील माही भाई (धोनी) माझ्यासोबत होते आणि मी सामना फिनिश केला होता.' आयपीएल २०२४ स्पर्धेच्या सुरुवातीलाच चेन्नई सुपर किंग्ज संघाने मोठा निर्णय घेतला होता. स्पर्धेच्या पहिल्या हंगामापासून संघाचं नेतृत्व करणाऱ्या एमएस धोनीने कर्णधारपद सोडण्याचा निर्णय घेतला. ही जबाबदारी ऋतुराज गायकवाडकडे सोपवण्यात आली. (Cricket news in marathi)

तसेत तो पुढे म्हणाला की, ' या संघातील खेळाडूंना काही सांगण्याची आवश्यकता भासत नाही. सर्वकाही चांगल्या स्थितीत आहे. एमएस धोनी आणि प्लेमिंग अजूनही निर्णय घेण्यासाठी समर्थ आहेत. आम्हाला जे यश मिळालं आहे, ज्या गोष्टी आम्ही करतोय, त्यात आम्हाला कुठलाही बदल करायचा नाहीये. मला जितकं शक्य होईल तितकं खेळाडूंना मोकळ्याने खेळू द्यायचं आहे. कारण जेव्हापासून मी या संघात आलो आहे, तेव्हापासून संघाचं वातावरण असंच आहे. मला त्यात कुठलाही बदल करायचा नाही. मी या गोष्टींचा पुरेपूर आनंद घेतोय.

या सामन्याबद्दल बोलायचं झालं तर, नाणेफेक गमावून प्रथम फलंदाजी करण्यासाठी आलेल्या कोलकाता नाईट रायडर्स संघाने २० षटकअखेर १३७ धावा केल्या. या धावांचा पाठलाग करताना चेन्नई सुपर किंग्ज संघाने १७.४ षटकात सामना जिंकला.