- राजेश भोस्तेकर

रायगड : रायगडची (raigad) जलकन्या म्हणून ओळखल्या जाणाऱ्या रुद्राक्षी टेमकर (rudrakshi temkar) या अवघ्या ११ वर्षीय मुलीने आज (साेमवार) धरमतर ते मांडवा (Dharamtar to Mandwa) हे २६ किलाेमीटरचे अंतर अवघ्या ५ तास ५४ मिनिटांत पाेहून (swimming) पूर्ण करून विक्रमाला गवसणी घालण्याचा प्रयत्न केला आहे. शिवजयंतीदिनी रुद्राक्षीने अनाेखा उपक्रम करुन (chhatrapati shivaji maharaj) छत्रपती शिवाजी महाराज यांना अभिवादन केले. (rudrakshi temkar latest marathi news)

रुद्राक्षी ही लांब पल्ल्याची जलतरणपटू असून तिने रेवस ते गेटवे ऑफ इंडिया आणि एलिफंटा ते गेटवे ऑफ इंडिया पोहून पार केले होते. त्यानंतर तिच्या विक्रमाची इंडिया बुक ऑफ रेकॉर्डमध्ये नोंद झाली आहे.

रुद्राक्षीने सोमवारी मध्यरात्री दीड वाजता समुद्राच्या लाटांवर झेप घेत धरमतर ते मांडवा हे २६ किलाेमीटरचे सागरी अंतर पोहून पार केले. धरमतर ते मांडवा जेट्टी पोहत पार करणारी रुद्राक्षी पहिली मुलगी ठरली आहे. रुद्राक्षीने हे अंतर ५ तास ५४ मिनिटांत पूर्ण केले. तिच्या या विक्रमाची नोंद घेत अलिबाग, मुरुड मतदार संघाचे आमदार महेंद्र दळवी (Mahendra Dalvi) यांनी रुद्राक्षीचा सत्कार करून अभिनंदन केले.

Edited By : Siddharth Latkar