टी-२० वर्ल्डकप २०२४ स्पर्धेला अवघे काही दिवस शिल्लक राहिले आहेत. जगातील सर्वात मोठी टी-२० स्पर्धा म्हणून ओळखल्या जाणाऱ्या या स्पर्धेचा थरार १ जूनपासून वेस्टइंडीज आणि अमेरिकेत रंगणार आहे. भारतीय संघाचा पहिला सामना ५ जून रोजी आयर्लंड संघाविरुद्ध रंगणार आहे. या स्पर्धेसाठी भारतीय संघाची घोषणा करण्यात आली आहे. या संघाचं कर्णधारपद रोहित शर्माकडे सोपवण्यात आलं आहे. दरम्यान आयर्लंडविरुद्ध खेळण्यासाठी मैदानात उतरताच कर्णधार रोहित शर्माच्या नावे मोठ्या रेकॉर्डची नोंद होणार आहे.

आगामी टी-२० वर्ल्डकप हे या स्पर्धेचे नववे हंगाम असणार आहे. या सर्व स्पर्धांमध्ये रोहितला भारतीय संघाचं प्रतिनिधित्व करण्याची संधी मिळाली आहे. रोहित २००७ मध्ये पहिल्यांदा भारतीय संघाचं प्रतिनिधित्व करण्यासाठी मैदानावर उतरला होता. या स्पर्धेत त्याने विजेता संघाचं प्रतिनिधित्व केलं आहे. त्यानंतर तो टी-२० वर्ल्डकप २००९, टी-२० वर्ल्डकप २०१०, टी-२० वर्ल्डकप २०१२, टी-२० वर्ल्डकप २०१४, टी-२० वर्ल्डकप २०२१ आणि टी-२० वर्ल्डकप २०२२ स्पर्धेत भारतीय संघाचं प्रतिनिधित्व केलं आहे. आतापर्यंत त्याने ८ हंगामांमध्ये भारतीय संघाचं प्रतिनिधित्व केलं आहे.

भारताचा कर्णधार म्हणून निवड..

गेल्या काही दिवसांपू्र्वी टी-२० वर्ल्डकप २०२४ स्पर्धेसाठी भारतीय संघाची घोषणा करण्यात आली होती. या संघाचं कर्णधारपद रोहितकडे सोपवण्यात आलं होतं. तर हार्दिक पंड्याची उपकर्णधार म्हणून निवड केली आहे. भारतीय संघाचा पहिला सामना ५ जून रोजी होणार आहे. भारतीय संघ ५ जून रोजी आयर्लंडविरुद्ध आपला पहिला सामना खेळण्यासाठी मैदानात उतरणार आहे. तर ९ जून रोजी भारत पाकिस्तान सामन्याचा थरार न्यूयॉर्कमध्ये रंगणार आहे .