IND VS AUS 4th Test Rohit sharma: अहमदाबादच्या मैदानावर भारत विरुध्द ऑस्ट्रेलिया या दोन्ही संघांमध्ये ४ कसोटी सामन्यांच्या मालिकेतील अंतिम कसोटी सामना सुरु आहे.

या सामन्यातील पहिल्या डावात ऑस्ट्रेलिया संघाने ४८० धावा केल्या होत्या. प्रत्युत्तरात भारतीय संघाने देखील चांगली सुरुवात केली आहे.

दरम्यान रोहित शर्माने स्टार्कच्या चेंडूवर खणखणीत षटकार मारला आहे, ज्याचा व्हिडीओ सध्या सोशल मीडियावर जोरदार व्हायरल होत आहे. (Latest sports updates)

ऑस्ट्रेलियाने या सामन्यातील पहिल्या डावात ४८० धावा केल्या होत्या. या धावांचा पाठलाग करताना कर्णधार रोहित शर्मा आणि शुभमन गिलने मिळून ७४ धावांची भागीदारी केली. यादरम्यान रोहीत शर्मा ३५ धावांवर बाद होऊन माघारी परतला.

रोहित शर्माचा षटकार..

तिसऱ्या दिवसाची सुरुवात होताच, भारतीय संघातील फलंदाजांनी आक्रमण करायला सुरुवात केली. धावांची गती वाढली होती, त्यामुळे स्टीव्ह स्मिथने धावा थांबवण्यासाठी मिचेल स्टार्कला गोलंदाजीसाठी बोलावले.

रणनीती स्पष्ट होती, ऑस्ट्रेलियाचे गोलंदाज भारतीय फलंदाजांना शॉट बॉलच्या जाळयात अडकवण्याच्या प्रयत्नात होते. मात्र शॉट बॉलवर रोहित किती चांगला पूलशॉट मारतो, हे जगजाहीर आहे. मिचेल स्टार्कने शॉट बॉल टाकताच रोहित शर्माने खणखणीत पूल शॉट मारला.

हा शॉट पाहून मिचेल स्टार्क पाहतच राहीला. मात्र त्यानंतर तो बाद होऊन माघारी परतला. मात्र या खेळपट्टीवर भारतीय फलंदाजही टिचून फलंदाजी करत मोठी धावसंख्या उभारू शकतात.