आयपीएलच्या मागच्या काही सामन्यांमध्ये धावांचा डोंगर उभा करणाऱ्या सनरायझर्स हैदराबादच्या संघाने आज  रॉयल चॅलेंजर्स बेंगळुरू संघासमोर सपसेल लोटांगण घातलं. हैदराबादच्या राजीव गांधी आंतरराष्ट्रीय क्रिकेट स्टेडियमवर झालेल्या या सामन्यात रॉयल चॅलेंजर्स बेंगळुरूने हैदराबादवर ३५ धावांनी विजय मिळवला. विराट कोहली आणि पाटीदारच्या शानदार खेळीच्या जोरावर बेंगळुरूने २०६ धावांच लक्ष्य ठेवलं होतं. मात्र बेंगळुरुच्या गोलंदाजांच्या भेदक माऱ्यासमोर हैदराबादचा संघ गडगडला.

या मोसमातील बेंगळुरूचा हा दुसरा विजय आहे. संघाने 9 पैकी 7 सामने गमावले आहेत. मात्र, या विजयानंतरही संघ प्लेऑफच्या शर्यतीत आहे. दुसरीकडे हैदराबादला या मोसमात तिसरा पराभव पत्करावा लागला असला तरी हा संघ गुणतालिकेत तिसऱ्या स्थानावर आहे.

आरसीबीच्या विजयात सर्वात महत्त्वाची भूमिका रजत पाटीदारने बजावली. त्यांने 20 चेंडूत 50 धावांची खेळी केली. या उजव्या हाताच्या फलंदाजाने 250 च्या स्ट्राइक रेटने खेळीत 5 षटकार आणि 2 चौकार लगावले. त्याच्याशिवाय कॅमेरून ग्रीनने नाबाद 37 धावा करत 25 धावांची खेळी केली. विराट कोहलीने 43 चेंडूत 51 धावा केल्या. कर्ण शर्माने 29 धावा देत 2 बळी घेतले. स्वप्नील सिंगने 40 धावा दिल्या पण त्याने ट्रॅव्हिस हेड आणि क्लासेनचे विकेट घेण्यात यश मिळवलं.