चिन्नास्वामी स्टेडियमवर आज रॉयल चॅलेंजर्सं बंगळुरू आणि चेन्नई सुपर किंग्स हे दोन संघ आमनेसामने येणार आहेत. या सामन्यामध्ये चेन्नईचा कर्णधार महेंद्रसिंह धोनीने टॉस जिंकला आणि प्रथम गोलंदाजी करण्याचा निर्णय घेतला आहे. आता बंगळुरूचे शिलेदार फलंदाजी करण्यासाठी मैदानात उतरणार आहेत.

बंगळुरूला प्लेऑफमध्ये जाण्यासाठी आजचा सामना जिंकणे आवश्यक आहे. हा सामना जिंकल्यानंतर बंगळुरूच्या खात्यात एकूण १६ गुण जमा होतील. दुसऱ्या बाजूला चेन्नईसाठी हा सन्माची लढाई आहे. टॉसच्या वेळेस सुद्धा महेंद्रसिंह धोनीने आयपीएल २०२५ मध्ये उरलेल्या ४ सामन्यांवर लक्ष आमचे असल्याचे म्हटले. हे सामने पुढच्या सीझनच्या हिशोबाने चेन्नईसाठी महत्त्वपूर्ण आहेत. चेन्नईच्या आजच्या प्लेईंग ११ मध्ये एकही बदल नसल्याचे धोनीने सांगितले.

दुसऱ्या बाजूला रजत पाटीदारने सर्व खेळाडू चांगल्या फॉर्ममध्ये आहेत. आपापली जबाबदारी योग्यपणे निभावत असल्याने संतुष्ट असल्याचे म्हटले. प्रत्येक सामना महत्त्वाचा असल्याने तशीच कामगिरी करण्याचा निर्धार असेल असेही आरसीबीचा कर्णधार म्हणाला. टॉस झाल्यानंतर रजत पाटीदारने आजच्या सामन्यात जॉश हेजलवूडच्या जागी लुंगी एनगिडीला प्लेईंग ११ मध्ये संधी दिल्याची घोषणा केली. हेजलवूड हा बंगळुरूसाठी महत्त्वाचा गोलंदाज आहे. तो पर्पल कॅपच्या यादीत दुसऱ्या स्थानावर आहे. त्याच्या नसण्याचा परिणाम बंगळुरूच्या गोलंदाजी विभागावर होईल असा अंदाज वर्तवला जात आहे.

चेन्नई सुपर किंग्सची प्लेईंग ११ -

महेंद्र सिंह धोनी (कर्णधार) आयुष म्हात्रे, शेख रशीद, सॅम करन, रवींद्र जडेजा, डेवॉल्ड ब्रेव्हिस, दीपक हूडा, अंशुल कंम्बोज, नूर अहमद, खलील अहमद, मथीशा पथिराना

(इम्पॅक्टचे पर्याय - शिवम दुबे, आर. अश्विन, जेमी ओवर्टन, कमलेश नागरकोटी, रामकृष्ण घोष)

रॉयल चॅलेंजर्स बंगळुरूची प्लेईंग ११ -

रजत पाटीदार (कर्णधार), विराट कोहली, जेकब बेथल, देवदत्त पड्डिकल, रोमारियो शेपर्ड, जितेश शर्मा, टीम डेव्हिड, कृणाल पंड्या, भुवनेश्वर कुमार, लुंगी एनगिडी, यश दयाल

(इम्पॅक्टचे पर्याय -सुयश शर्मा, रसिख डार, मनोज भांडगे, लियाम लिविंगस्टन, स्वप्नील सिंह)