Ravindra Jadeja Injury Update:

भारतीय संघाचा अष्टपैलू खेळाडू रविंद्र जडेजा दुसऱ्या कसोटीतून बाहेर झाला आहे. पहिल्या कसोटी सामन्यादरम्यान तो दुखापतग्रस्त झाला होता. त्यामुळे तो दुसऱ्या कसोटीत तो खेळताना दिसून येणार नाही. हैदराबादमध्ये झालेल्या पहिल्या कसोटीत त्याने गोलंदाजीसह फलंदाजीमध्येही मोलाचं योगदान दिलं होतं. दरम्यान दुसऱ्या कसोटी सामन्यापूर्वी त्याने दुखापतीबाबत अपडेट दिली आहे.

रविंद्र जडेजा सोशल मीडियावर प्रचंड सक्रिय असतो. त्याने आपल्या सोशल मीडियावर अकाऊंटवर एक व्हिडिओ शेअर केला आहे. या व्हिडीओमध्ये तो धावताना दिसून येत आहे. तसेच फिटनेस वर्कआऊट करताना दिसून येत आहे.

ही पोस्ट आतापर्यंत २ लाखांहून अधिक लोकांनी लाईक केली आहे. तसेच क्रिकेट चाहते सकारात्मक प्रतिक्रिया देताना दिसून येत आहेत. कारण जेव्हा तो बाहेर झाला त्यावेळी म्हटलं जात होतं की, तो दुखापतीमुळे संपूर्ण मालिकेतून बाहेर होऊ शकतो. मात्र आता त्याचे कमबॅक करण्याचे चिन्ह दिसून येत आहेत. (Cricket news in marathi)

हैदराबाद कसोटीत त्याने दमदार खेळ केला होता. त्याने फलंदाजी करताना ८९ धावा केल्या होत्या. तर गोलंदाजी करताना ५ महत्वपूर्ण गडी बाद केले होते. या सामन्यात त्याने अष्टपैलू कामगिरी करून दाखवली होती. मात्र तरीदेखील भारतीय संघाला हा सामना २८ धावांनी गमवावा लागला.

भारताचा पराभव..

या सामन्यात भारतीय संघ आघाडीवर होता. मात्र तिसऱ्या दिवशी सामना इंग्लंडच्या दिशेने झुकला. भारतीय संघाने इंग्लंडवर १९० धावांची आघाडी घेतली होती. मात्र ओली पोपने १९६ धावांची खेळी करत ऑस्ट्रेलियाची धावसंख्या ४०० पार पोहचवली. भारतीय संघाला हा सामना जिंकण्यासाठी २३१ धावा करायच्या होत्या. मात्र संपूर्ण डाव २०२ धावांवर आटोपला.