IPL 2025 : पंजाब किंग्स विरुद्ध रॉयल चॅलेंजर्स बंगळुरू या सामन्याला सुरुवात झाली आहे. रविवारच्या डबल हेडरमधील पहिल्या सामन्यात आरसीबीचा कर्णधार रजत पाटीदारने टॉस जिंकला आणि प्रथम गोलंदाजी करण्याची निर्णय घेतला. आता पंजाब किंग्सचे खेळाडू फलंदाजीसाठी मैदानात उतरतील.

दोन दिवसांपूर्वी १८ एप्रिल रोजी चिन्नास्वामी स्टेडियमवर बंगळुरू विरुद्ध पंजाब हा सामना खेळला गेला होता. पावसामुळे सामन्यात २० ओव्हर्सऐवजी १४ ओव्हर्सचा खेळ झाला. त्या वेळेस पंजाबने बंगळुरूच्या घरच्या स्टेडियमवर त्यांचा पराभव केला. या पराभवाचा वचपा आज रॉयल चॅलेंजर्स बंगळुरू घेण्याच्या तयारीत आहेत.

टॉस जिंकल्यानंतर काल दुपारच्या सामन्यात गुजरातने प्रथम गोलंदाजी केली होती. आजच्या सामन्यातही बंगळुरूने गोलंदाजी करण्याचा निर्णय घेतला आहे. बंगळुरूचा कर्णधार रजत पाटीदार म्हणाला, 'प्रथम गोलंदाजी करताना उन्हाचा त्रास होईल पण, दुसऱ्या इनिंगमध्ये फलंदाजी केल्याने जास्त क्लॉरिटी येईल. घरच्या स्टेडियमवर पराभव होतो पण याचा अर्थ आम्ही जागा पाहून खेळतो असा होत नाही.' खराब फॉर्ममुळे लियाम लिव्हिंगस्टोनच्या जागी रोमारियो शेपर्डला संधी दिल्याचे पाटीदारने सांगितले.

'मी टॉस जिंकलो असतो तर आम्हीदेखील प्रथम गोलंदाजी केली असती. हरकत नाही आम्ही परिस्थितीला अनुसरुन खेळू. हा पंजाबचा आयपीएल २०२५ मधला पहिला दुपारचा सामना आहे,' असे पंजाब किंग्सचा कर्णधार श्रेयस अय्यर म्हणाला. आता पंजाबचे खेळाडू फलंदाजीसाठी मैदानात उतरणार आहेत.

रॉयल चॅलेंजर्स बंगळुरूची प्लेईंग ११ :

फिप सॉल्ट, विराट कोहली, रजत पाटीदार (कर्णधार), रोमारियो शेपर्ड, जितेश शर्मा, टीम डेव्हिड, कृणाल पंड्या, भुवनेश्वर कुमार, जोश हेजलवुड, सुयश शर्मा, यश दयाल

पंजाब किंग्सची प्लेईंग ११ -

प्रभसिमरन सिंग (यष्टीरक्षक), प्रियांश आर्य, श्रेयस अय्यर (कर्णधार), जॉश इंग्लिश, नेहाल वढेरा, शशांक सिंग, मार्कस स्टॉयनिस, मार्को यान्सन, युझवेंद्र चहल, अर्शदीप सिंग, जेवियर बार्टलेट