Shoaib Malik Married With  Sana Javed:

गेल्या काही दिवसांपासून पाकिस्तानचा माजी क्रिकेटपटू शोएब मलिक आणि सानिया मिर्झा हे दोघेही चर्चेचा विषय ठरत आहे. दोघांमध्ये घटस्फोट झाल्याची चर्चा सुरु असताना, शोएब मलिक तिसऱ्यांदा विवाह बंधनात अडकल्याची बातमी समोर आली आहे. या विवाह सोहळ्यातील फोटो त्याने आपल्या अधिकृत सोशल मीडिया अकाऊंटवर शेअर केले आहेत.

शोएब मलिकने २० जानेवारी रोजी आपल्या अधिकृत सोशल मीडियावर अकाऊंटवर लग्नाचे फोटो शेअर करत सर्वांनाच आश्चर्याचा धक्का दिला आहे. गेल्या काही महिन्यांपासून दोघंही एकमेकांना डेट करत असल्याची चर्चा सुरु होती. दरम्यान आता लग्नाचे फोटो शेअर करत दोघांनीही या चर्चांना पूर्णविराम दिला आहे. (Latest sports updates)

या आधीही झालंय लग्न..

शोएब मलिकची पत्नी सना जावेदचा घटस्फोट झाला आहे. ती २०२० मध्ये उमेर जसवालसोबत विवाह बंधनात अडकली होती. मात्र दोघांचं नातं फार काळ टीकू शकलं नाही. त्यामुळे दोघांचा घटस्फोट झाला. शनिवारी त्याने आपल्या लग्नाचे फोटो शेअर करत हटके कॅप्शनही दिले आहे. २०१० मध्ये सानिया मिर्झासोबत विवाह करण्याआधी त्याने आयशा सिद्दीकीला घटस्फोट दिला होता.

कोण आहे सना जावेद?

विवाहबंधनात अडकताच सनाने आपलं इंस्टाग्रामवरील नाव बदलून सना शोएब मलिक असं ठेवलं आहे. सनाने २०२० मध्ये पाकिस्तानी गायक उमेर जयस्वालसोबत विवाह केला होता. त्यानंतर २०२३ मध्ये दोघांचा घटस्फोट झाला. सनाचा जन्म २५ मार्च १९९३ रोजी सौदी अरेबियात झाला. तिने अनेक उर्दू टीव्ही मालिकांमध्ये काम केलं आहे. २०१२ मध्ये तिने शेर-ए-जात या मालिकेतून पदार्पण केलं होतं.