Pakistan vs Afghanistan World cup 2023:

विश्वचषकात आज पाकिस्तान आणि अफगाणिस्तामध्ये रोमांचक सामना झाला. चेन्नईच्या एमए चिदंबरम स्टेडियमवर झालेल्या सामन्यात अफगाणिस्तानने पाकिस्तानला चारीमुंड्या चीत केले. पाकिस्तानने दिलेलं २८३ धावांचं आव्हान अफगाणिस्तानच्या फलंदाजांनी सहज पार करत मोठा विजय मिळवला आहे. (Latest Marathi News)

पाकिस्तानने नाणेफेक जिंकून प्रथम फलंदाजी करताना ५० षटकात ७ गडी गमावून २८२ कुटल्या. पाकिस्तानसाठी बाबर आझमने सर्वाधिक धावा केल्या होत्या. बाबरने ९२ चेंडूत ४ चौकार आणि १ षटकारांच्या मदतीने ७४ धावा कुटल्या.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पाकिस्तानने दिलेल्या आव्हानाचा पाठलाग करताना अफगाणिस्तानची सुरुवात चांगली झाली. अफगाणिस्तानने १० षटकात ६३ धावा कुटल्या. जादरानने संयमी खेळ दाखवत ५४ चेंडूत अर्धशतक ठोकलं. जादराननंतर गुरबाजचंही अर्धशतक झालं. गुरबाजने चौथं अर्धशतक ठोकलं. अफगाणिस्तानने १६ व्या षटकात १०० धावा पूर्ण केल्या.

पाकिस्तानच्या शाहीनने अफगाणिस्तानची सलामी जोडी फोडली. शाहीन अफरिदीने गुरबाजला बाद केले. त्यानंतर हसन अलीने इब्राहिद जादरानला ८७ धावांवर बाद केले.

अफगाणिस्तानला ६ षटकात ३५ धावा हव्या होत्या, त्यावेळी अफगाणिस्तानच्या संघाने संयमी खेळ दाखवला. अफगाणिस्तानने ४८ व्या षटकात पाकिस्तानचा मोठा पराभव केला. पाकिस्तानचा पराभव करत अफगाणिस्तानने दुसरा विजय साजरा केला.