Shruti Vilas Kadam
मसाले साठवण्यासाठी स्वच्छ आणि कोरडे असलेले काचेचे किंवा स्टीलचे हवाबंद डबे वापरा. यामुळे हवा आणि ओलाव्याचा संपर्क कमी होतो आणि मसाल्यांचा सुगंध टिकवण्यास मदत होते.
अनेकजण स्वयंपाक करताना सहज हाताला लागावेत म्हणून मसाल्यांचे डबे गॅसजवळ ठेवतात. मात्र, उष्णता आणि वाफेमुळे मसाल्यांची गुणवत्ता कमी होऊ शकते. त्यामुळे डबे गॅस, ओव्हनपासून दूर ठेवा.
हळद, तिखट, धणे-जिरे पूड आणि गरम मसाला यांसारखे रोज वापरले जाणारे मसाले थंड, कोरड्या आणि अंधाऱ्या जागी ठेवावेत. त्यांना थेट सूर्यप्रकाश आणि उष्णतेपासून दूर ठेवा.
बहुतांश कोरडे मसाले फ्रिजमध्ये ठेवण्याची गरज नसते. हवाबंद डब्यात आणि योग्य तापमान असलेल्या कोरड्या जागेत ठेवल्यास त्यांची गुणवत्ता टिकण्यास मदत होते.
फ्रिजमधून थंड डबा बाहेर काढल्यावर त्यावर पाण्याचे थेंब जमा होऊ शकतात. त्यामुळे मसाले ओले होऊ शकतात.
दालचिनी, लवंग, वेलची, काळी मिरी आणि जिरे यांसारखे खडे मसाले हवाबंद डब्यात थंड आणि कोरड्या जागी ठेवावेत.
मसाल्यांचा सुगंध कमी झाला असेल, रंग बदलला असेल किंवा बुरशी व कुबट वास जाणवत असेल, तर ते वापरू नका. मसाले खरेदी करताना पॅकिंगवरील तारीख तपासून पाहा.