लाहोर: मागच्या काही वर्षात क्रिकेटमध्ये फलंदाजीमुळे चर्चेत आलेला पाकिस्तान क्रिकेट संघाचा कर्णधार (PAK Cricket Team) बाबर आझम (Babar Azam) मोठ्या अडचणीत अडकला आहे. पाकिस्तानमधील ज्या महिलेने बाबर आझमवर लैंगिक छळाचे गंभीर आरोप केले होते आता तिने बाबरवर आणखी गंभीर आरोप केले आहेत.

हमीझा मुख्तारने असा आरोप केला आहे की, बाबर आझमने तिची हत्या घडवून आणण्याचा प्रयत्न केला होता. हमीझा मुख्तारच्या दाव्यानुसार लारोहमधील एका पोलिस ठाण्याबाहेर मोटरसायकलवरून आलेल्या व्यक्तींनी तिच्यावर गोळीबार केला. माझा जीव धोक्यात असल्याचही तिने म्हटलं आहे. मला अनेक दिवसांपासून जीवे मारण्याची धमकी दिली जात आहे असल्याचही तिने सांगितले आहे.

हमीझा मुख्तारने पाकिस्तानचे पंतप्रधान इमरान खान यांच्याकडे सरंक्षण मागितले आहे. दरम्यान, पोलिसांनी हमीझाची तक्रार नोंदवून प्रकरणाचा पुढील तपास सुरू असल्याचे त्यांनी सांगितले आहे. हमिजा मुख्तारने जानेवारी २०२१ मध्ये बाबरवर गंभीर आरोप केले होते. यात लैंगिक शोषणाचा केल्याचा देखील समावेश होता.

बाबर आझमने लग्नाचे अमिष दाखवून शोषण केल्याचा आरोपही हमिझा मुख्तारने केला होता. इतक नव्हे तर पाकिस्तानचा कर्णधार बाबार आझमने आपल्याला गर्भपात करण्यास भाग पाडले होते, असे हमिजाने म्हटले होते. यासाठी तिने गर्भपात केल्याचे सबळ पुरावे सादर केले होेते.

Edited By: Pravin Dhamale