Dhoni vs Kohli In IPL 2024:

आयपीएल २०२४च्या पहिला चेन्नई सुपर किंग्स आणि रॉयल चॅलेंजर्स बेंगळुरू यांच्यात झाला. दोन्ही संघात भारतीय क्रिकेट संघाचे माजी कर्णधार होते. दोन्ही कर्णधारमधील सामना पाहताना रसिकांचं मनोरंजन झालं. परंतु क्रिकेट प्रेमींना हा अनुभव पुन्हा अनुभवता येणार नाहीये. कारण आयपीएलकडून यंदा ग्रुपमध्ये स्टेजमध्ये बदल करण्यात आलाय.या बदलामुळे कोहली आणि धोनीमधील सामना परत पाहता येणार नाहीये. यावेळी १० संघांना अ आणि ब अशा दोन ग्रुपमध्ये विभागण्यात आले आहे. (Latest News)

चेन्नई आणि बेंगळुरूचा संघ ग्रुप ब मधे आहे. या स्पर्धेतील एका ग्रुपमधील दोन संघ एकदाच एकमेंकांविरुद्धात एकच सामना खेळतील.तर विरुद्धात असलेल्या ग्रुपमधील संघ दुसऱ्या ग्रुपमधील संघाशी दोन-दोन सामने खेळतील. यामुळे धोनी आणि कोहलीचा सामना पुन्हा अनुभवता येणार नाहीये.परंतु हे दोन्ही संघ पुन्हा प्लेऑप्समध्ये आमने-सामने येतील.

मुंबई इंडियन्स, कोलकाता नाईट रायडर्स, राजस्थान रॉयल्स, दिल्ली कॅपिटल्स आणि लखनौ सुपर जायंट्स यांना अ गटात ठेवण्यात आले आहे. तर ब गटात चेन्नई सुपर किंग्स, सनरायझर्स हैदराबाद, रॉयल चॅलेंजर्स बंगळुरू, पंजाब किंग्ज आणि गुजरात टायटन्स यांना स्थान देण्यात आले आहे.

चेपॉक स्टेडियमवर झालेल्या पहिल्या सामन्यात चेन्नई सुपर किंग्सविरुद्ध रॉयल चॅलेंजर्स बंगळुरूला ६ गडी राखून पराभव स्वीकारावा लागला. चेन्नईने हा सामना एकतर्फी जिंकला. प्रथम फलंदाजी करताना बेंगळुरूने २० षटकांत ६ बाद १७३ धावा केल्या होत्या. बेंगळुरू संघासाठी यष्टीरक्षक फलंदाज अनुज रावतने ४८ धावांची सर्वात मोठी खेळी खेळली होती. यात ४ चौकार आणि ३ षटकारांचा समावेश होता. त्यानंतर लक्ष्याचा पाठलाग करताना चेन्नई सुपर किंग्सने अवघ्या १८.४ षटकांत ४ गडी राखून विजय मिळवला.