आयपीएल २०२४ स्पर्धेत आजचा दिवस अतिशय महत्वाचा असणार आहे . या हंगामात कोलकाता नाईट रायडर्स हा प्लेऑफ गाठणारा पहिला संघ ठरला आहे. तर आज २ सामने पार पडणार आहेत. हे दोन्ही सामने प्लेऑफच्या दृष्टीने अतिशय महत्वाचे असणार आहेत. डबल हेडरचा पहिला सामना राजस्थान रॉयल्स आणि चेन्नई सुपर किंग्ज या दोन्ही संघांमध्ये रंगणार आहे. तर दुसऱ्या सामन्यात दिल्ली कॅपिटल्स आणि रॉयल चॅलेंजर्स बंगळुरु हे दोन्ही संघ आमने सामने येणार आहेत.

चेन्नईचं टेन्शन वाढणार?

हा एमएस धोनीचा चेपॉकच्या मैदानावरील शेवटचा सामना असणार आहे. कारण चेन्नईचा पुढील सामना बंगळुरूतील चिन्नास्वामीच्या मैदानावर होणार आहे. जर चेन्नईने अंतिम फेरीत प्रवेश केला, तर पुन्हा एकदा धोनी चेन्नईत खेळताना दिसून येऊ शकतो.

चेन्नईला पराभूत करताच राजस्थान रॉयल्स हा प्लेऑफमध्ये प्रवेश करणारा दुसरा संघ ठरेल. तर चेन्नईने हा सामना जिंकल्यास, चेन्नेईचे प्लेऑफमध्ये जाण्याच्या चान्स आणखी वाढेल. मात्र चेन्नईने हा सामना गमावला, तर हा संघ प्लेऑफच्या शर्यतीतून बाहेर होऊ शकतो. कारण हा सामना गमावून पुढील सामना जिंकल्यास चेन्नईचा संघ जास्तीत जास्त १६ गुणांपर्यंत पोहचेल, असं झाल्यास चेन्नईला प्लेऑफमध्ये जाता येणार नाही.

धोनी चेन्नईत शेवटचा सामना खेळणार?

चेन्नईचा संघ आज चेन्नईमध्ये साखळी फेरीतील शेवटचा सामना खेळण्यासाठी मैदानात उतरणार आहे. तसेच धोनीचं हे शेवटचं आयपीएल हंगाम असल्याची चर्चा सुरु आहे. चेन्नईला प्लेऑफमध्ये जाण्यासाठी चेन्नईला प्रबळ दावेदार मानलं जात आहे. आयपीएल २०२४ स्पर्धेतील क्वालिफायर २ आणि फायनलचा सामना चेन्नईत रंगणार आहे. जर चेन्नईचा संघ प्लेऑफमध्ये प्रवेश करु शकला नाही, तर आज होणार सामना हा धोनीचा चेन्नईच्या मैदानावरील शेवटचा सामना ठरेल.

RCB की DC कोण जाणार बाहेर?

तर दुसरा सामनाही प्लेऑफच्या दृष्टीने तितकाच महत्वाचा असणार आहे. कारण आरसीबी आणि दिल्ली कॅपिटल्स या दोन्ही संघांमध्ये जो संघ हा सामना जिंकणार, तो संघ प्लेऑफच्या शर्यतीत टीकून राहणार. तर पराभूत होणारा संघ प्लेऑफच्या शर्यतीतून बाहेर पडणार आहे. यासह दोन्ही संघांना प्रार्थना करावी लागेल की, आज होणाऱ्या पहिल्या सामन्यात चेन्नईचा संघ पराभूत झाला पाहिजे.