भारतीय संघाचा वेगवान गोलंदाज मोहम्मद सिराजला २०२५ च्या चॅम्पियन्स ट्रॉफीसाठी भारतीय संघात स्थान मिळाले नव्हते. २०२३ च्या एकदिवसीय विश्वचषक आणि २०२४ च्या टी-२० विश्वचषकात भारतीय संघाचा भाग असलेल्या मोहम्मद सिराजची चॅम्पियन्स ट्रॉफीसाठी निवड झाली नाही. त्याऐवजी संघ व्यवस्थापनाने पाच फिरकीपटूंची निवड केली. सिराजची स्पर्धेसाठी नॉन-ट्रॅव्हलिंग राखीव म्हणून निवड करण्यात आली होती. परंतु भारताने स्पर्धा जिंकल्यामुळे अखेर सिराजला संघात स्थान मिळाले नाही.

चॅम्पियन्स ट्रॉफीतून वगळल्यानंतर सिराजने रोहित शर्मा आणि भारतीय संघ व्यवस्थापनावर मोठे विधान केले आहे. सिराज म्हणाला, रोहित शर्मा आणि संघ व्यवस्थापन जो काही निर्णय घेतील तो संघाच्या हितासाठी असेल हे त्याला माहीत होते.

चॅम्पियन्स ट्रॉफीसाठी निवड न झाल्याबद्दल सिराज काय म्हणाला

भारतीय वेगवान गोलंदाज मोहम्मद सिराजने सांगितले की, देशासाठी खेळल्याने त्याला खूप आत्मविश्वास मिळतो. रोहित शर्मा आणि संघ व्यवस्थापन जो काही निर्णय घेईल तो संघाच्या हिताचा असेल हे त्याला माहित होते.

सिराज म्हणाला 'जेव्हा तुम्ही देशासाठी खेळता तेव्हा तुम्हाला खूप आत्मविश्वास मिळतो. आंतरराष्ट्रीय खेळाडू म्हणून तुम्हाला नेहमीच आयसीसी स्पर्धांमध्ये खेळायचे असते. सुरुवातीला, मी संघाचा भाग नव्हतो ही गोष्ट स्वीकार करण्यासाठी मला वेळ लागला. रोहित भाई संघासाठी जे सर्वोत्तम आहे ते करतो आणि त्याने तेच केले. त्याच्याकडे खूप अनुभव आहे आणि त्याला माहित होते की त्या पिचवर वेगवान गोलंदाजांचा फारसा उपयोग होणार नाही. आणि त्याऐवजी फिरकी गोलंदाज उपयुक्त ठरतील आणि म्हणूनच त्याने मला दुर्लक्ष करण्याचा निर्णय घेतला'.

चॅम्पियन्स ट्रॉफीदरम्यान मिळालेल्या ब्रेकचा वापर

सिराज म्हणाला की, 'मी सतत क्रिकेट खेळत होतो. म्हणून ब्रेक दरम्यान मी माझ्या फिटनेस आणि गोलंदाजीवर काम केले. जेव्हा तुम्ही खेळत असता तेव्हा तुम्हाला कळत नाही की तुम्ही काय चूक करत आहात. त्यामुळे तो एक चांगला ब्रेक होता आणि आम्ही चॅम्पियन्स ट्रॉफीचे विजेतेपद जिंकले. ही सर्वात मोठी गोष्ट होती.'

आयपीएल २०२५

भारतीय वेगवान गोलंदाज मोहम्मद सिराज या वर्षी आयपीएलमध्ये गुजरात टायटन्स संघाकडून खेळताना दिसेल. आयपीएल २०२५ च्या पाचव्या, पंजाब किंग्ज विरुद्ध गुजरात टायटन्सच्या सामन्यात सिराजने ४ षटकांत ५४ धावा दिल्या आणि एकही विकेट घेतली नाही.