MI Playoffs Scenario 2025 : आयपीएल २०२५ चा थरार सुरु आहे. आतापर्यंत ३२ सामना खेळले गेले आहेत. आज वानखेडे स्टेडियमवर मुंबई इंडियन्स विरुद्ध सनरायजर्स हैदराबाद हा सामना खेळला जाणार आहे. सुरुवातीला मागे पडलेल्या मुंबईच्या संघाने दमदार कमबॅक केले आहे. हार्दिक पंड्याच्या नेतृत्त्वात मुंबईने एकूण सहा सामने खेळले आहेत. यातील ४ सामन्यात पराभव झाला. तर २ सामने मुंबईने जिंकले. मुंबई सध्या पॉईंट्स टेबलवर सातव्या स्थानी आहे.

मुंबईचा पहिला सामना चेन्नईच्या विरुद्ध झाला होता. हार्दिकच्या अनुपस्थितीत सूर्यकुमार यादवने या सामन्यात नेतृत्त्व केले होते. चेन्नई विरुद्धच्या पराभवानंतर गुजरात टायटन्सनेही मुंबईला पछाडले. तिसऱ्या सामन्यात केकेआर विरुद्ध खेळताना मुंबई इंडियन्सला आयपीएल २०२५ मधील पहिला विजय मिळाला. त्यानंतर लखनऊ आणि बंगळुरूने मुंबईवर मात केली. दिल्ली विरुद्धच्या अटीतटीच्या सामन्यात मुंबईने विजय मिळवला. आज मुंबई हैदराबादला वानखेडे स्टेडियमवर भिडणार आहे.

मुंबई इंडियन्सच्या पुढील सामन्यांचे शेड्यूल

१७ एप्रिल - मुंबई विरुद्ध हैदराबाद (मुंबई)

२० एप्रिल - मुंबई विरुद्ध चेन्नई (मुंबई)

२३ एप्रिल - हैदराबाद विरुद्ध मुंबई (हैदराबाद)

२७ एप्रिल - मुंबई विरुद्ध लखनऊ (मुंबई)

१ मे - राजस्थान विरुद्ध मुंबई (जयपुर)

६ मे - मुंबई विरुद्ध गुजरात (मुंबई)

११ मे - पंजाब विरुद्ध मुंबई (चंडीगढ)

१५ मे - मुंबई विरुद्ध दिल्ली (मुंबई)

मुंबई इंडियन्सचे अशा प्रकारे ८ सामने उरले आहेत. मुंबईला अजूनही प्लेऑफमध्ये जाण्याची संधी आहे. इतर कोणत्याही संघांवर निर्भर न राहता प्लेऑफमध्ये जायचे असल्यास मुंबई इंडियन्सला कमीत कमी ७ सामने जिंकावे लागतील. ६ सामने जिंकल्यास मुंबईकडे एकूण १६ गुण होतील. अशा वेळी अन्य संघांच्या कामगिरीवर मुंबईचे प्लेऑफमध्ये जाण्याचे स्वप्न पूर्ण होईल. जर ८ सामन्यातील ३ सामने गमावले, तर मुंबईच्या संघाला प्लेऑफमध्ये प्रवेश करणे शक्य होणार नाही असे म्हटले जात आहे.