KL Rahul Replacement For IPL 2023: आयपीएल २०२३ स्पर्धेत आता प्रत्येक सामना हा महत्वाचा सामना असणार आहे. कारण आता सर्वांचं लक्ष प्लेऑफमध्ये प्रवेश करण्यावर असणार आहे.

आता महत्वाच्या क्षणी लखनऊ सुपर जायंट्स संघाचा कर्णधार केएल राहुल दुखापतीमुळे बाहेर झाला आहे. दरम्यान आता त्याच्या रिप्लेसमेंटची घोषणा करण्यात आली आहे.

या फलंदाजाला मिळाली संधी...

केएल राहुल बाहेर होताच ५ मे रोजी त्याच्या रिप्लेसमेंटची घोषणा करण्यात आली आहे. लखनऊने आयपीएलच्या उर्वरित सामन्यांसाठी केएल राहुलच्या जागी तिहेरी शतक झळकावणाऱ्या करुण नायरला संधी दिली आहे.

करुण नायरला ५० लाख रुपये खर्च करत त्याला आपल्या संघात स्थान दिले आहे. तसेच त्याच्या कामगिरीबद्दल बोलायचं झालं तर त्याने ७६ सामन्यांमध्ये १४९६ धावा केल्या आहेत. (Latest sports updates)

करुण नायरने झळकावले आहे तिहेरी शतक..

करुण नायरने भारतीय संघासाठी कसोटी क्रिकेट खेळताना तिहेरी शतक झळकावले आहे. २०१६ मध्ये त्याने भारतीय संघाचे प्रतिनिधित्व करताना ३०३ धावांची खेळी केली होती. या खेळी नंतर तो चर्चेत आला होता. ही खेळी त्याने इंग्लंड संघाविरुद्ध झालेल्या सामन्यात केली होती. तो वीरेंद्र सेहवागनंतर कसोटी क्रिकेटमध्ये तिहेरी शतक झळकावणारा दुसराच भारतीय फलंदाज ठरला होता.

केएल राहूल बाहेर..

भारतीय संघाला मोठा धक्का बसला आहे. कारण दुखापतग्रस्त असलेला केएल राहुल आयपीएल सह वर्ल्ड टेस्ट चॅम्पियनशिपच्या अंतिम सामन्यातून बाहेर झाला आहे. त्याने आपल्या अधिकृत सोशल मीडिया अकाऊंटवर पोस्ट शेअर करत याबाबत माहिती दिली आहे.