आयपीएल २०२४ स्पर्धेत आतापर्यंत एकापेक्षा एक रोमांचक सामने पाहायला मिळाले आहेत. स्पर्धेतील ३१ वा सामना राजस्थान रॉयल्स आणि कोलकाता नाईट रायडर्स या दोन्ही संघांमध्ये रंगणार आहे. या सामन्यात दोन्ही संघांमध्ये चुरशीची लढत पाहायला मिळू शकते. कारण दोन्ही संघ या स्पर्धेतील मजबूत संघ आहेत. सध्या दोन्ही संघ गुणतालिकेत पहिल्या दुसऱ्या स्थानी आहेत. दरम्यान या सामन्यात खेळपट्टी कोणाला साथ देणार? जाणून घ्या.

खेळपट्टी कोणाला देणार साथ?

हा सामना कोलकाता नाईट रायडर्स संघाचं होम ग्राउंड ईडन गार्डन्सवर रंगणार आहेत. ही खेळपट्टी फलंदाजांसाठी फायदेशीर ठरते. तसेच नवीन चेंडूने वेगवान गोलंदाजांना चांगलीच मदत मिळते. त्यामुळे सुरुवातीच्या काही षटकांमध्ये विकेट्स जाण्याची देखील भीती असू शकते. मात्र दोन्ही संघांचा सध्याचा फॉर्म पाहता ,क्रिकेट चाहत्यांना हाय स्कोरिंग सामना पाहायला मिळू शकतो.

असा राहिलाय हेड टू हेड रेकॉर्ड..

या दोन्ही संघांचा हेड टू हेड रेकॉर्ड पाहिला तर, दोन्ही संघामध्ये आतापर्यंत एकापेक्षा एक रोमांचक सामने खेळले गेले आहेत. दोन्ही संघ आतापर्यंत २७ वेळेस आमने सामने आले आहेत. यादरम्यान १४ वेळेस कोलकाताने बाजी मारली आहे. तर राजस्थानला १३ सामने जिंकता आले आहेत.

अशी असू शकते दोन्ही संघांची प्लेइंग ११..

राजस्थान रॉयल्स- यशस्वी जयस्वाल, जोस बटलर, संजू सॅमसन (कर्णधार,यष्टीरक्षक), रियान पराग, ध्रुव जुरेल, शिम्रोन हेटमायर, आर अश्विन, ट्रेंट बोल्ट, अवेश खान, युजवेंद्र चहल आणि कुलदीप सेन.

कोलकाता नाईट रायडर्स- फिल सॉल्ट (यष्टीरक्षक), सुनील नरेन, अंगक्रिश रघुवंशी, श्रेयस अय्यर (कर्णधार), वेंकटेश अय्यर, रमनदीप सिंग, रिंकू सिंग, आंद्रे रसेल, मिशेल स्टार्क, वैभव अरोडा आणि हर्षित राणा.