रॉयल चॅलेंजर्स बंगळुरू संघाला सनरायझर्स हैदराबाद संघाविरुद्ध झालेल्या सामन्यात पराभवाचा सामना करावा लागला आहे. हा रॉयल चॅलेंजर्स बंगळुरू संघाचा या हंगामातील सहावा पराभव ठरला आहे. आतापर्यंत ७ सामने खेळलेल्या रॉयल चॅलेंजर्स बंगळुरू संघाला केवळ पंजाबविरुद्ध खेळताना विजय मिळवता आला आहे. तर उर्वरित सामन्यांमध्ये या संघाला पराभवाचा सामना करावा लागला आहे. दरम्यान सनरायझर्स हैदराबाद संघाच्या विजयानंतर कशी आहे गुणतालिकेची स्थिती? जाणून घ्या.
आयपीएल २०२४ स्पर्धेच्या गुणतालिकेबद्दल बोलायचं झालं तर, राजस्थान रॉयल्सचा संघ गुणतालिकेत अव्वल स्थानी आहे. या संघाने ६ पैकी ५ सामने जिंकले आहेत. तर कोलकाता नाईट रायडर्सचा संघ गुणतालिकेत दुसऱ्या स्थानी आहे. या संघाने ५ पैकी ४ सामने जिंकले आहेत. ऋतुराज गायकवाडच्या नेतृत्वाखाली खेळणाऱ्या चेन्नई सुपर किंग्ज संघाने ६ पैकी ४ सामने जिंकले आहेत. रॉयल चॅलेंजर्स बंगळुरू संघाला पराभूत करणारा सनरायझर्स हैदराबादचा संघ या यादीत चौथ्या स्थानी आहे. तर पाचव्या स्थानी असलेल्या लखनऊ सुपर जायंट्स संघाने ६ पैकी ३ सामने जिंकले आहेत.
उर्वरित संघांबद्दल बोलायचं झालं तर, शुभमन गिलच्या नेतृत्वाखाली खेळणारा गुजरात टायटन्सचा संघ या यादीत सहाव्या स्थानी आहे. या संघाने ६ पैकी ३ सामने जिंकले आहेत. पंजाब किंग्जचा संघ या यादीत सातव्या स्थानी आहे. चेन्नई सुपर किंग्जला पराभूत करून मुंबई इंडियन्सकडे गुणतालिकेत वर जाण्याची संधी होती. मात्र या पराभवानंतर मुंबईचा संघ आठव्या स्थानी कायम आहे. तर दिल्ली कॅपिटल्सचा संघ नवव्या स्थानी आणि रॉयल चॅलेंजर्स बंगळुरूचा संघ गुणतालिकेत सर्वात शेवटी आहे.
१)राजस्थान रॉयल्स - १० गुण
२) कोलकाता नाईट रायडर्स -८ गुण
३) चेन्नई सुपर किंग्ज - ८ गुण
४) सनरायझर्स हैदराबाद - ८ गुण
५) लखनऊ सुपर जायंट्स - ६ गुण
६) गुजरात टायटन्स - ६ गुण
७) पंजाब किंग्ज - ४ गुण
८) मुंबई इंडियन्स - ४ गुण
९) दिल्ली कॅपिटल्स - ४ गुण
१०) रॉयल चॅलेंजर्स बंगळुरू - २ गुण
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
