Jemima Rodrigues viral dance: दिल्ली कॅपिटल्स संघाची उपकर्णधार जेमिमा रॉड्रिग्ज ही आपल्या फलंदाजीमुळे नेहमीच चर्चेत असते. तिने रॉयल चॅलेंजर्स बंगळुरू संघाविरुध्द झालेल्या सामन्यात १५ चेंडूंमध्ये २२ धावांची तुफानी खेळी केली.

या खेळीसह तिने आपल्या संघाला विजय मिळवून देण्यात मोलाची भूमिका बजावली. फलंदाजीत चौकार षटकार मारून प्रेक्षकांचे मनोरंजन करणारी जेमिमा आता क्षेत्ररक्षण करताना प्रेक्षकांचे मनोरंजन करताना दिसून आली आहे. तिचा एक व्हिडिओ सध्या सोशल मीडियावर प्रचंड व्हायरल होत आहे. (Latest sports updates)

तर झाले असे की, जेमिमा रॉड्रिग्जने सीमारेषेजवळ क्षेत्ररक्षण करत असताना सामना पाहण्यासाठी आलेल्या चाहत्यांचे चांगलेच मनोरंजन केले आहे. तिने आपल्या डान्सने चाहत्यांची मनं जिंकली आहेत.(Jemimah rodrigues viral video)

सीमारेषेवर क्षेत्ररक्षण करत असताना ती भांगडा नृत्य करताना दिसून आली. तिचा हा डान्स व्हिडिओ सध्या सोशल मीडियावर जोरदार व्हायरल होत आहे.

दिल्लीचा जोरदार विजय..

विमेन्स प्रीमियर लीग २०२३ स्पर्धेतील दुसरा सामना दिल्ली कॅपिटल्स विरुध्द रॉयल चॅलेंजर्स बंगळुरू या दोन्ही संघांमध्ये पार पडला. या सामन्यात दिल्ली संघाने ६० धावांनी विजय मिळवला आहे. या सामन्यात रॉयल चॅलेंजर्स बंगळुरू संघाची कर्णधार स्म्रीती मंधानाने नाणेफेक जिंकून प्रथम गोलंदाजी करण्याचा निर्णय घेतला होता.

प्रथम फलंदाजी करताना दिल्ली कॅपिटल्स संघाने २० षटक अखेर २ गडी बाद २३२ धावा केल्या होत्या. या धावांचा पाठलाग करताना २० षटक अखेर ८ गडी बाद अवघ्या १६३ धावा करता आल्या.