SRH VS MI : सनरायजर्स हैदराबाद विरुद्ध मुंबई इंडियन्स हा सामना सुरु आहे. या सामन्यामध्ये हार्दिक पंड्याने टॉस जिंकला आणि मुंबई इंडियन्सचा संघ गोलंदाजी करण्यासाठी मैदानात उतरला. ट्रेव्हिस हेड आणि अभिषेक शर्मा हे हैदराबादचे खेळाडू फलंदाजीसाठी आले. हा सामना हैदराबादच्या एकाना स्टेडियमवर रंगला आहे.

ट्रेव्हिस हेड शून्यावर बाद झाला. ट्रेंट बोल्डने त्याच्या पहिल्या ओव्हरमध्ये मुंबईची डोकेदुखी ठरु शकणाऱ्या हेडला बाद केले. त्यानंतर लगेच दीपक चहर गोलंदाजीसाठी आला. त्याच्या ओव्हरच्या पहिल्या चेंडूवर इशान किशन कॅचआउट झाला. विकेटकिपर रायन रिकल्टनने स्टंपमागे कॅच पकडून इशानला माघारी पाठवले.

नेमकं काय घडलं?

तिसऱ्या ओव्हरमध्ये दीपक चहर गोलंदाजी करत होता. पहिल्या चेंडू टाकल्यावर इशान किशन शॉट मारण्याचा प्रयत्न केला. बॅटचा एज लागून चेंडू विकेटकिपरकडे गेल्याचे इशानला वाटले. त्याला सुरुवातीला अंपायरने वाइडचा कॉल दिला. त्यानंतर दीपक चहरने अपील केल्यानंतर अंपायरने निर्णय बदलला आणि इशान आउट झाल्याची घोषणा केली. बॅट चेंडूला लागल्याचे इशानला वाटले त्यामुळे त्यानेही डीआरएस न घेण्याचा निर्णय घेतला.

मुंबई इंडियन्सची प्लेईंग ११ -

रायन रिकल्टन, विल जॅक्स, सूर्यकुमार यादव, तिलक वर्मा, हार्दिक पंड्या (कर्णधार), नमन धीर, मिचेल सँटनर, दीपक चहर, ट्रेंट बोल्ड, जसप्रीत बुमराह, विग्नेश पुथूर.

सनरायजर्स हैदराबादची प्लेईंग ११ -

अभिषेक शर्मा, ट्रेव्हिस हेड, इशान किशन, नितीश कुमार रेड्डी, हेनरिक क्लासेन, अनिकेत वर्मा, पॅट कमिन्स (कर्णधार), जयदेव उनदकट, हर्षल पटेल, ईशान मलिंगा, झीशान अन्सारी.