आयपीएल २०२५ स्पर्धेबाबत मोठी अपडेट समोर आली आहे. हे ऑक्शन येत्या २४-२५ नोव्हेंबरला होणार आहे. आयपीएल गव्हर्निंग कमिटीने दिलेल्या माहितीनूसार, हे ऑक्शन सौदी अरेबियातील जेद्दामध्ये होणार आहे.

या ऑक्शनसाठी एकूण १५७४ खेळाडूंनी आपलं नाव नोंदवलं आहे. तारीख आणि ठिकाण ठरल्यानंतर आता हे ऑक्शन किती वाजता सुरु होणार याबाबत एक मोठी अपडेट समोर आली आहे.

खेळाडूंवर पडणार पैशांचा पाऊस

या मेगा ऑक्शनमध्ये १० संघ एकूण २०४ खेळाडूंवर बोली लावणार आहेत. त्यासाठी सर्व संघांकडे ६४१.५ कोटी रुपये रक्कम शिल्लक आहे. काही दिवसांपूर्वी सर्व संघांनी आपल्या रिटेन केलेल्या खेळाडूंची यादी जाहीर केली आहे. त्यानुसार, एकूण ४६ खेळाडूंना रिटेन करण्यात आलं आहे. पंजाबने केवळ २ खेळाडूंना रिटेन करण्याचा निर्णय घेतला आहे. पंजाबकडे अजूनही ११० कोटी रुपये शिल्लक आहेत.

कोणत्या संघाकडे किती रक्कम शिल्लक

पंजाब किंग्ज- ११०.५ कोटी

राजस्थान रॉयल्स- ४१ कोटी

कोलकाता नाईट रायडर्स -५१ कोटी

मुंबई इंडियन्स-४५ कोटी

चेन्नई सुपर किंग्ज -५५ कोटी

दिल्ली कॅपिटल्स -७३ कोटी

रॉयल चॅलेंजर्स बंगळुरु- ८३ कोटी

लखनऊ सुपर जायंट्स -६९ कोटी

सनरायझर्स हैदराबाद -४५ कोटी

गुजरात टायटन्स -६९ कोटी

केव्हा होणार आयपीएल २०२५ स्पर्धेसाठीचं ऑक्शन

हे ऑक्शन २४ आणि २५ नोव्हेंबरला पार पडणार आहे.

कुठे होणार आयपीएल ऑक्शन?

आयपीएल २०२५ स्पर्धेचं ऑक्शन जेद्दामध्ये होणार आहे.

कुठे पाहता येणार लाईव्ह?

आयपीएल ऑक्शन स्टार स्पोर्ट्सवर लाईव्ह पाहता येणार आहे.

किती वाजता सुरु होणार आयपीएल लिलाव?

हे ऑक्शन किती वाजता सुरु होणार याबाबत अधिकृतरित्या कुठलीही माहीती समोर आलेली नाही. मात्र माध्यमातील वृत्तानुसार हे ऑक्शन भारतीय वेळेनुसार सकाळी ११ वाजता सुरु होईल.