IPL 2025 : आयपीएलला काल सुरुवात झाली. पहिल्याच सामन्यात बंगळुरूच्या संघाने कोलकातावर विजय मिळवला. आज (२३ मार्च) रोजी आयपीएल २०२५ मधील पहिले डबल हेडर सामने खेळले जाणार आहेत. आज पहिला सामना हैदराबाद आणि राजस्थान यांच्यात हैदराबाद येथे, तर दुसरा सामना मुंबई आणि चेन्नई यांच्यात चेन्नई येथे होईल.

आजचे दोन्ही हायवॉल्टेज सामने चाहत्यांसाठी पर्वणी ठरणार आहेत. हैदराबाद आणि चेन्नई या दोन्ही ठिकाणची पिच रिपोर्ट समोर आली आहे. चेन्नईमध्ये प्रथम फलंदाजी करणाऱ्या संघाचा बरेचदा विजय झाला आहे. तर हैदराबादमधील पिचचा फायदा रन चेज करणाऱ्या संघांना झाला आहे. हैदराबाद वेगवान गोलंदाजांसाठी आणि चेन्नई फिरकी गोलंदाजांसाठी अनुकूल आहे.

हैदराबाद पिच रिपोर्ट

हैदराबादच्या राजीव गांधी आंतराष्ट्रीय स्टेडियममध्ये आयपीएलचे एकूण ७७ सामने खेळले गेले आहेत. त्यात ३४ सामन्यांमध्ये पहिल्यांदा फलंदाजी करणाऱ्या संघांनी विजय मिळवला आहे. तर ४२ सामन्यात रन चेजमुळे यश मिळाले आहेत. पहिल्या इनिंगमध्ये सरासरी धावसंख्या १६३ इतकी आहे. या स्टेडियमध्ये वेगवान गोलंदाजांचा दबदबा राहिला आहे. ७०.५८ टक्के विकेट्स वेगवाग गोलंदाजांनी काढल्या आहेत.

चेन्नई पिच रिपोर्ट

एमए चिदंबरम स्टेडियममध्ये आयपीएलचे एकूण ८५ सामने खेळले गेल आहेत. त्यात पहिल्यांदा फलंदाजी करणाऱ्यांनी ४७ सामने जिंकले आहेत, तर दुसऱ्या इनिंगमध्ये फलंदाजी करणाऱ्या संघांनी ३६ सामने जिंकले आहेत. या स्टेडियममध्ये पेसर्सनी ६१.५७ टक्के आणि स्पिनर्सनी ३८.४३ टक्के विकेट्स घेतल्या आहे. तरीही चेपॉक फिरकीपटूंसाठी फायदेशीर आहे असे म्हटले जात आहे.