सध्या क्रिकेटच्या मैदानात आयपीएलचा रणसंग्राम सुरू आहे. आयपीएलच्या प्रत्येक हंगामात चर्चा होते ती चेन्नईचा किंग महेंद्रसिंग धोनी अन् त्याच्या जबरा चाहत्यांची. धोनीची एक झलक पाहण्यासाठी चेन्नईचे चाहते उत्सुक असतात.
धोनी मैदानावर येण्याची ते वाट पाहत असतात. काल कोलकात्ताविरुद्धच्या सामन्यातही असेच चित्र पाहायला मिळाले. मात्र कालच्या सामन्यात धोनीची मैदानावर एन्ट्री होण्याआधी रविंद्र जडेजाने केलेल्या खोडसाळपणाचा व्हिडिओ सध्या चांगलाच व्हायरल होत आहे.
नेमकं काय घडलं?
घडलं असं की चेन्नईचा फलंदाज शिवम दुबेची विकेट पडल्यानंतर मैदानावर कॅप्टन कूल महेंद्रसिंग धोनीची एन्ट्री होणार होती. मात्र महेंद्रसिंग धोनीच्या एन्ट्रीआधी रविंद्र जडेजाने चाहत्यांची फिरकी घेण्याचा विचार केला. माहीचे चाहते त्याच्या एन्ट्रीची वाट पाहत होते, धोनीही येणार होता. त्याआधी जडेजाने गंमत करत मैदानावर पॅड बांधत एन्ट्री केली.
जडेजा पॅड बांधून बॅट हाती घेऊन मैदानाच्या दिशेने येताना दिसताच चाहत्यांचा आवाज काही सेकंद थांबला. अशातच जडेजा लगेच माघारी फिरला अन् धोनीची (Mahendra Singh Dhoni) मैदानात एन्ट्री झाली. त्यानंतर पुन्हा एकदा माहीच्या चाहत्यांनी एकच गोंधळ केला.
मैदानामध्ये लाडक्या धोनीची एन्ट्री होताच चाहत्यांनी प्रचंड आरडा ओरडा करत आनंद व्यक्त केला. हा गोंधळ इतका होता की केकेआरचा खेळाडू आंद्रे रसेलला अक्षरशः आपले कान पकडावे लागले. हा व्हिडिओही सध्या सोशल मीडियावर चांगलाच व्हायरल होत आहे.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.