IPL 2023 Fight Video Viral : इंडियन प्रीमियर लीगचा 43 वा सामना काल लखनऊ सुपर जायंट्स आणि रॉयल चॅलेंजर्स बँगलोर  यांच्या खेळला गेला. आरसीबीचा माजी कर्णधार विराट कोहली आणि लखनऊचा मेंटर गौतम गंभीर यांच्यात झालेल्या वादामुळे हा सामन्यात आयपीएलच्या इतिहासात लक्षात ठेवला जाईल. दोघांमधील वाद बराव वेळ सुरु होता. अखेर इतर खेळाडूंच्या मध्यस्थीने दोघांची समजूत काढण्यात आली आहे.

वादाची किनार लागलेल्या कालच्या सामन्यानंतर आता बीसीसीआयनं विराट कोहली, गौतम गंभीर आणि लखनऊचा खेळाडू नवीन उल हकवर कारवाई केली आहे.

विराट कोहली आणि गौतम गंभीर या दोघांना 100 टक्के मॅच फी भरण्याचा दंड बीसीसीआयने ठोठावला आहे. तर नवीन उल हकवर 50 टक्के मॅच फी दंड ठोठवला आहे.

नेमका काय वाद झाला?

विराट कोहली कालच्या सामन्यात काहीसा अॅग्रेसिव्ह दिसत होता. सामना सुरु असताना विराट कोहली आणि नवीन उल हक यांच्यात वाद झाल्याच दिसलं. तर सामना संपल्यानंतर विराट आणि गौतम गंभीर यांच्यात बाचाबाची झाल्याचे पाहायला मिळाले आहे. (Latest sports updates)

तिघांमध्ये झालेल्या वादाचं नेमकं कारण अद्याप कळू शकलेलं नाही. मात्र या वादानंतर मैदानातील वातावरण चांगलंच तापलं होतं. सामना संपल्यानंतर सोशल मीडियावर विराट, गंभीर आणि नवीन उल हक यांच्या वादाचे व्हिडीयो जोरदार व्हायरल होत आहेत.

आरसीबीचा दणदणीत विजय

रॉयल चॅलेंजर्स बँगलोरने लखनऊ सुपर जायंट्स 18 धावांनी पराभव केला. बँगलोरने लखनौसमोर अवघ्या 127 धावांचं आव्हान ठेवलं होतं. बँगलोरच्या गोलंदजांनी अप्रतिम गोलंदाजी करत लखनऊ संघाला 108 धावांवर रोखलं.