IPL 2022 च्या मेगा लिलावापूर्वी सनरायझर्स हैदराबादच्या (SRH) चाहत्यांसाठी एक मोठी बातमी समोर आली आहे. वेस्ट इंडिजचा महान खेळाडू ब्रायन लारा (Brian Lara) याची सनरायझर्स हैदराबादच्या फलंदाजी प्रशिक्षकपदी नियुक्ती करण्यात आली आहे. तो आयपीएलच्या 15 व्या हंगामात संघात सामील होणार आहे. IPL 2022 मध्ये आणखी दोन संघ स्पर्धेत सामिल झाले आहेत, त्यामुळे ही स्पर्धा आणखी चूरशीची होणार आहे. त्यामुळे सर्वच संघ मजबूत करत आहेत.

सनरायझर्स हैदराबाद आगामी हंगामात त्यांच्या व्यवस्थापन/सपोर्ट स्टाफमध्ये अतिशय मजबूत आणि अनुभवी क्रिकेटपटूंचा (Cricket) समावेश करून मैदानात उतरणार आहे. ब्रायन लारा याची फलंदाजी प्रशिक्षकपदी नियुक्ती करण्यासोबतच संघाने डेल स्टेनला वेगवान गोलंदाजी प्रशिक्षक म्हणून नियुक्त केले आहे. दुसरीकडे, श्रीलंकेचा महान फिरकी गोलंदाज मुरलीधरन (Muttiah Muralitharan) फिरकी विभागाची धुरा सांभाळणार आहे.

Edited By: Pravin Dhamale