IND VS ENG : भारतीय महिला संघाला मोठा धक्का बसला आहे. भारत विरुद्ध इंग्लंड या दोन्ही संघामधील मालिका संपत असताना टीम इंडियाच्या स्टार खेळाडूने निवृत्ती जाहीर केली आहे. वेदा कृष्णमृती असे स्टार खेळाडूचे नाव आहे.

वेदाने टीम इंडियासाठी शेवटचा सामना २०२० साली खेळला होता. मागील ५ वर्षांपासून वेदा संघातून बाहेर होती. गेल्या ५ वर्षांपासून संघाबाहेर असलेल्या वेदाने क्रिकेटमधून निवृत्तीची घोषणा केली आहे. वेदाने सोशल मीडियावर पोस्ट करत निवृत्तीची घोषणा केली.

वेदाने पोस्टमध्ये म्हटलं की, 'माझी कहाणी कडूरमधून सुरु झाली. मी बॅट उचलली, तेव्हा मला माहीत नव्हतं की, माझा प्रवास कुठंपर्यंत जाईल. मला क्रिकेट खूप आवडायचं. मला ठाऊक नव्हतं की, मी गल्ली क्रिकेटमधून जगातील सर्वात मोठ्या स्टेडियमपर्यंत पोहोचेल. भारताची जर्सी घालणे, माझ्यासाठी अभिमानाची बाब होती. मला क्रिकेटने करिअर नाही, तर एक ओळख दिली. लढायचं कसं, पडायचं कसं आणि पडल्यानंतर पुन्हा उभं कसं राहायचं, हे सर्व क्रिकेटमुळे शिकली'.

'आज मनापासून तुमचा निरोप घेत आहे. मी आई-वडील, भाऊ-बहीण, विशेष म्हणजे मला सदैव साथ देणाऱ्या माझ्या बहिणीला धन्यवाद बोलू इच्छित आहे. आम्ही २०१७ साली विश्वचषक सामना खेळलो, त्यामुळे भारताच्या महिला क्रिकेटचं रुप बदललं. मला त्याचा नेहमी गर्व राहील, असेही तिने म्हटलं.