नवी दिल्ली: राष्ट्रकुल स्पर्धेसाठी (commonwealth games 200) सुरु असलेल्या भारतीय हॉकी (hockey) संघातील शिबिरात काेराेनाचा (corona) प्रादुर्भाव झाला. या संघातील स्ट्रायकर गुरजंत सिंग आणि मुख्य प्रशिक्षक ग्रॅहम रीड यांच्यासह काही कर्मचा-यांना काेराेनाची लागण झाली आहे. त्या सर्वांना क्वारंटाईनमध्ये ठेवण्यात आले आहे. (hockey latest marathi news)

राष्ट्रकुल क्रीडा स्पर्धेची तयारी करणाऱ्या भारतीय पुरुष हॉकी संघातील दोन खेळाडूंना आणि सपोर्ट स्टाफचे तीन सदस्यांना कोविड-19 ची लागण झाली आहे असे हॉकी इंडियाने कोणाचेही नाव न घेता प्रसिद्धी माध्यमांना कळविले. टीमच्या एका सूत्राने सांगितले की, "गुरजंत आणि ग्रॅहम रीड यांना संसर्ग झाला आहे. टीमच्या व्हिडिओ विश्लेषकाची चाचणीही पॉझिटिव्ह आली आहे."

एफआयएच हॉकी प्रो लीगमध्ये बेल्जियम आणि नेदरलँड्सविरुद्ध खेळल्यानंतर हे खेळाडू कॅम्पमध्ये दाखल झाले आहेत. पीआर श्रीजेश, मनप्रीत सिंग, पवन कुमार, ललित कुमार उपाध्याय, हरमनप्रीत सिंग, वरुण कुमार आणि अमित रोहिदास बंगळुरू येथील भारतीय क्रीडा प्राधिकरण (SAI) कॅम्पसमध्ये सुरू असलेल्या शिबिरात सहभागी होत आहेत.

मनप्रीत सिंग, हार्दिक सिंग, समशेर सिंग, विवेक सागर प्रसाद, आकाशदीप सिंग, नीलकांत शर्मा गुरजंत सिंग, मनदीप सिंग, दिलप्रीत सिंग, सुखजीत सिंग, ललित कुमार उपाध्याय, अभिषेक, गुरसाहिबजीत सिंग, मनदीप मोर, संजय मोहम्मद राहिल मौसेन, सुमित, मोइरंगथेम रबिचंद्र सिंग, गुरिंदर सिंग, जसकरण, आशिष कुमार टोप्नो आणि शिलानंद लाक्रा यांना बाेलाविण्यात आले आहे. या शिबिराचा समारोप 23 जुलैला होईल. त्यानंतर संघ बर्मिंगहॅम राष्ट्रकुल क्रीडा स्पर्धेसाठी रवाना होईल.

Edited By : Siddharth Latkar