भारत आणि न्यूझीलंडमध्ये झालेल्या तीन सामन्याच्या एकदिवशी मालिकेतील तिसऱ्या सामन्यात टीम इंडिया दारूण पराभव झालाय. हा सामना इंदूरच्या होळकर क्रिकेट स्टेडियमवर झाला. या अखेरच्या सामन्यात भारताचा ४१ धावांनी पराभव झाला. न्यूझीलंडच्या संघाने भारतासमोर ३३८ धावांचे लक्ष्य ठेवलं होतं.

या आव्हानाचा पाठलाग करताना भारताचा डाव ४६ षटकांत २९६ धावांवर आटोपला. या विजयासह न्यूझीलंडने एकदिवसीय मालिका २-१ ने जिंकली आहे. न्युझीलंचा हा विजय भारतातील पहिलाच एकदिवसीय मालिकेतील विजय आहे. न्युझीलंडने दिलेलं आव्हान पार करताना विराट कोहलीनं धमाकेदार शतक केल. मात्र त्याचे फटकेबाजी व्यर्थ ठरली.

एकदिवसीय मालिकेचा पहिला सामना वडोदरा येथे खेळला गेला तेथे भारतीय संघाने चार विकेट्सने विजय मिळवला होता. त्यानंतर किवीच्या संघाने राजकोट एकदिवसीय सामन्यात सात विकेट्सने विजय मिळवत मालिका १-१ अशी बरोबरीत आणली. त्यानंतर तिसऱ्या सामन्यात भारताला पराभूत करत मालिका आपल्या खिश्यात घातली.

धावांचा पाठलाग करताना भारतीय संघाची सुरुवात खराब झाली. रोहित शर्माला झाचेरी फौल्क्सने ११ धावांवर बाद केले. तर फॉर्ममध्ये असलेला कर्णधार शुभमन गिलही अवघ्या २३ धावांवर बाद झाला. त्याला काइल जेमिसनने त्रिफळाचित केलं. त्यानंतर श्रेयस अय्यरला ख्रिश्चन क्लार्कने फक्त ३ धावांवर बाद केलं. इतकेच नाही तर गेल्या सामन्यात शतक ठोकणारा केएल राहुल इंदूरमध्ये अपयशी ठरला. फिरकी गोलंदाज जेडेन लेनोक्सने त्याला १ धावेवर बाद केलं. राहुल बाद झाला तेव्हा भारताची धावसंख्या ७१/४ होती.

चार विकेट गमावल्यानंतर, विराट कोहली आणि नितीश कुमार रेड्डी यांनी पाचव्या विकेटसाठी ८८ धावांची भागीदारी केली. कोहलीने ५१ चेंडूत चार चौकार आणि एक षटकार मारत आपले अर्धशतक पूर्ण केलं. दरम्यान, नितीश कुमारनेही ५२ चेंडूत अर्धशतक पूर्ण केलं, पण अर्धशतक केल्यानंतर तो जास्त वेळ क्रिझवर राहू शकला नाही. त्याने ५७ चेंडूत दोन षटकार आणि दोन चौकारांसह ५३ धावा केल्या. जडेजाकडून मोठी खेळी अपेक्षित होती, परंतु तो फक्त १२ धावा करून बाद झाला.

त्यानंतर विराट कोहली आणि हर्षित राणा यांनी सातव्या विकेटसाठी ९९ धावांची भागीदारी केली. या भागीदारीदरम्यान कोहलीने ९१ चेंडूत आठ चौकार आणि दोन षटकार मारत आपले शतक पूर्ण केलं. हे कोहलीचे ५४ वे एकदिवसीय शतक आणि एकूण ८५ वे आंतरराष्ट्रीय शतक होते. हर्षित राणाने चार षटकार आणि चार चौकारांच्या मदतीने आपले अर्धशतक पूर्ण केले, परंतु अर्धशतक पूर्ण केल्यानंतर तो लगेचच बाद झाला. त्यानंतर पुढच्याच चेंडूवर भारताने मोहम्मद सिराजला बाद झाला.